ՊԱՇՇԱՐ ԱՍԱՏ ՉԻ ԲԱՑԱՌԵՐ 2014-Ի ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒՆ ԻՐ ՄԱՍՆԱԿՑՈՒԹԻՒՆԸ

«Ռոյթըրզ»  լրատուական գործակալութիւնը  հաղորդեց, թէ  նախագահ Պաշշար Ասատ   չի բացառեր 2014-ին կայանալիք  նախագահական ընտրութիւններուն իր մասնակցութիւնը: «Ես խոչընդոտներ  չեմ տեսներ յաջորդ նախագահական ընտրութիւններուն իմ  թեկնածութիւնը առաջադրելու  մէջ» ըսած է Ասատ:  Նշենք, թէ Սեպտեեմբեր ամսուան  վերջաւորութեան,  նախագահ Ասատ յայտարարած էր, թէ պատրաստ է  լքելու իր պաշտօնը, եթէ  այդ  քայլը  պիտի  բարելաւէ երկրին  իրավիճակը: Ասատի կարծիքով, տուեալ պահուն իրեն անհրաժեշտ է մնալ   նախագահի պաշտօնին վրայ:

Սուրիոյ   փոխվարչապետ   Քատրի  Ճամիլ յայտարարեց, թէ  երկիրը  քանդող արտաքին  ուժերը  պարտաւոր են   վերականգնելու Սուրիան:   Ճամիլ   ըսաւ, թէ  Սուրիոյ սեփական միջոցները  բաւարար  չեն   վերականգնելու   համար երկիրը:  Ան  շեշտեց, թէ  «Ժընեւ -2» խորհդաժողովի հիմնական առաջնայնութիւններէն մէկը պիտի  ըլլայ փոխհատուցումներու  վերաբերեալ հարցին   քննարկումը:

 Փարիզի մէջ, Արաբական  Լիկայի   դեսպաններուն  հետ  հանդպման  ընթացքին Միացեալ Նահանգներու պետական քարտուղար  Ճոն Քերրի այն կարծիքը յայտնեց, թէ  Սուրիոյ պատերազմը  կրնայ շարունակուիլ, եթէ Պաշշար Ասատ վերընտրուի Սուրիոյ   նախագահ:  Պետական   քարտուղարին արձագանգը  անուղղակի պատասխան մըն էր «Ալ Մայատին» հեռատեսլի կայանին  եւ «Ռոյթըրզ»  լրատուական գործակալութեան տուած հարցազրոյցներուն ընթացքին  .«  Անկեղծ ըսելու համար,   ես  որեւէ արգելք  չեմ տեսներ, որ կրնայ խանգարել   նախագահական  յառաջիկայ ընտրութիւններուն իմ մասնակցութիւնս».  ըսած էր Ասատ:

«Սուրիոյ  բարեկաներ» խմբաւորումի արտաքին գործոց նախարարները   Լոնտոնի մէջ երէկ  քննարկեցին   Սուրիոյ  հակամարտութիւնը  կարգաւորելու ուղիները եւ «Ժընեւ -2»ի նախապատրաստութեան առնչուած հարցեր:    Հանդիպման մասնակցեցան  Եգիպտոսի, Ֆրանսայի,  Գերմանիոյ, Իտալիոյ, Յորդանանի, Քաթարի, Սէուտական  Արաբիոյ, Թուրքիոյ,  Արաբական Միացեալ Էմիրութիւններու, Բրիտանիոյ,  Միացեալ Նահանգներու արտաքին գործոց նախարարները  նաեւՍուրիոյ ընդդիմութեան   ներկայացուցիչներ:

Ծայրայեղականները   նոր քայլի մը դիմած են  վերջերս: Անոնք կազմած են  լրագրողներու «սեւ ցուցակ»  եւ  ֆիզիքական հաշուեյարդարի կ’ենթարկեն  պետական հեռատեսիլէն   խօսք առնող    լրագրողները:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button