Ատրպէյճանական Զինուժը Կրակ Բացած Է Քաղաքացիական Եւ Զինուորական Ինքնաշարժներու Վրայ

0
31

 22 Հոկտեմբերին, Հայաստանի Տաւուշի մարզի Բերդ-Իջեւան ճամբուն Պառավաքարի հատուածին մէջ, հակառակորդը կրակ բացած է ճամբայէն անցնող ինքնաշարժներու վրայ։ Կրակոցէն տուժած են քաղաքացիական, ինչպէս նաեւ զինուորական ինքնաշարժներու մէջ գտնուող անձեր։
Զինուորներուն մարտական հերթապահութիւն կատարողները տեղափոխող զինուորական ինքնաշարժներու ջոկատներուն վրայ բացուած կրակին իբրեւ հետեւանք՝ զոհուած է ժամկէտային զինուոր, շարքային Գարիկ Արտակ Պօղոսեան (ծնեալ՝ 1994)։ Հրազէնային տարբեր աստիճանի վէրքեր ստացած են ժամկէտային զինուորներ Արթուր Սերոբ Անդրանիկեան (ծնեալ՝ 1994), Արայիկ Նորիկ Ժամհարեան (ծնեալ՝ 1994) եւ Մարտին Վահրամ Պետրոսեան (ծնեալ՝ 1994)։
Դէպքին մասին իրազեկ դարձած է ԵԱՀԿ յատուկ ներկայացուցիչ Անճէյ Քասփըրչիքի գրասենեակը։
Պաշտպանութեան նախարարութիւնը կը յայտարարէ, որ հակառակորդին գործած այս յանցանքը անպատասխան պիտի չմնայ, եւ անգամ մը եւս այս սադրանքի պատասխանատուութիւնը պիտի կրէ յարձակման դիմողը։ Պաշտպանութեան նախարարութիւնը կը կիսէ զինուորին ծանր կորստեան վիշտը եւ  ցաւակցութիւն կը յայտնէ շարքային Գարիկ Արտակ Պօղոսեանի ընտանիքի անդամներուն, հարազատներուն եւ ծառայակիցներուն։

 

LEAVE A REPLY

Please enter your comment!
Please enter your name here