«ՉԵՄՓԻԸՆԶ ԼԻԿ» – ՏՈՐԹՄՈՒՆՏ ՊԱՐՏՈՒԹԵԱՆ ՄԱՏՆԵՑ ԱՐՍԵՆԱԼԸ

0
28

Եւրոպայի Ախոյեան Ակումբներու Ախոյեանութեան «Չեմփիընզ Լիկ» մրցաշարքի խմբային հանգրուանի  մրցումներուն  գծով,  Միլանի մէջ, Ա. Սէ. Միլան ընդունեց  Պարչելոնան: Հետաքրքրական այս  հանդիպումը վերջ գտաւ՝ 1-1  հաւասարութեամբ:   Ռուպինիօ նշանակեց  իտալական խումբին եւ  մրցումին առաջին կոլը:  Մեսի՝ հակադարձեց,  նշանակելով   գաթալոնական խումբին հաւասարութեան կոլը: Պարչելոնա՝ եօթ կէտով կը  գլխաւորէ Ը. Խմբակը:   Միլան ունի  հինգ կէտ,  Սելթիք՝ երեք, շնորհիւ  Այաքս Ամսթերտամի դէմ արձանագրած  2-1 յաղթանակին:

Զ. Խմբակէն ներս,  Լոնտոնի մէջ Արսենալ  ընդունեց  Պորուսիա Տորթմունտը:  Գերմանական խումբը   տպաւորիչ  ելոյթ մը ունեցաւ եւ  2-1 արդիւնքով արժանի  յաղթանակ մը տարաւ «Կանըրզ»ներու դէմ, միաժամանակ  խանգարելով Արսենալ մարզիչ Արսէն Ուենկէրի  ծննդեան 64-ամեակին  առիթով նախատեսուած  տօնակատարութիւնը:  Հենրիխ Մխիթարեան եւ   Ռոպերթ Լեվանտովսքի  նշանակեցին   Պորուսիայի կոլերը:  Միեւնոյն խմբակին մէջ, Նափոլի  2-1 արդիւնքով  կարեւոր յաղթանակ մը տարաւ  Մարսէյի դէմ, այս  վերջնոյն դաշտին մէջ:  Կ’արժէ, նշել, որ  ֆրանսական խումբը  պարտութեամբ աւարտած է «Չեմփիընզ Լիկ»ի   խմբային  հանգրուանի  գծով    կատարած երեք  մրցումները: Ներկայիս, Արսենալ, Տորթմունտ եւ Նափոլի  ունին  վեցական կէտ, Մարսէյ՝  զերօ:

Ե.Խմբակէն ներս, Չելսի՝   մրցակիցի դաշտին մէջ երեք անպատասխան   զետեղեց  Շալքէ 04-ի   բերդին մէջ:  Ֆեռնանտօ Թորէզ (2) եւ  Էտէն Հազարտ նշանակեցին «Կապոյտներ»ուն կոլերը:  Պասէլ –  Սթեուա Պուքարեսթ  ճակատումը վերջ գտաւ 1-1   հաւասարութեամբ:

Է.Խմբակին մէջ, շնորհիւ Տիէկօ Գոսթայի (2) եւ  Ռաուլ Կարսիայի  կոլերուն, Աթլեթիքօ Մատրիտ  3-0 արդիւնքով պարտութեան մատնեց  Աւստրիա Վիեննան: Սան Փեթերսպուրկի Զենիթը 1-0 արդիւնքով  յաղթեց Փորթոյին, այս  վերջնոյն դաշտին մէջ:

Ստորեւ   մրցումներուն  թեքնիք արդիւնքները:

Ե.Խմբակ

Շալքէ 04  –   Չելսի ՝ 0-3

 Սթեուա  Պուքարեսթ –  Պասէլ՝  1-1

Զ. Խմբակ

Արսենալ –  Պորուսիա Տորթմունտ՝ 1-2

Մարսէյ  – Նափոլի՝ 1-2

Է.Խմբակ

Փորթօ  – Զենիթ՝  0-1

Աւստրիա Վիեննա –  Աթլեթիքօ Մատրիտ՝ 0-3

Ը. Խմբակ

 Ա.Սէ.  Միլան – Պարչելոնա՝ 1-1

Սելթիք – Այաքս  Ամսթերտամ՝  2-1

 

LEAVE A REPLY

Please enter your comment!
Please enter your name here