ԼԻԲԱՆԱՆԵԱՆ ԿԱՐՃ ԼՈՒՐԵՐ

0
40

–         Քաթարի իշխան Թամիմ  Համատ Պըն Խալիխա  ընդունեց մարոնիներու  Պշարա Ռաայի գարտինալը եւ անոր հետ քննարկեց   ներլիբանանեան  եւ  շրջանային  բեմի վերջին զարգացումները:  Իշխան Թամիմ  շեշտեց    Լիբանանի եւ Միջին Արեւելքի  մէջ  քրիստոնէութեան դերակատարութիւնը:

–         Սուրիական  իշխանութիւնները ազատ արձակեցին  տասներեք  կին  բանտարկեալներ:  Նշենք, թէ սոյն   քայլը   անմիջականօրէն  առնչուած է Ազէզի մէջ առեւանգուած լիբանանցիները ազատ արձակելու ուղղութեամբ գոյացած համաձայնութեան:

–         Լիբանանեան Ուժեր  Կուսակցութեան գործադիր խորհուրդի պետ Սամիր Ժաաժա յայտնեց, թէ   թեկնածութիւնը պիտի չառաջադրէ  նախագահական յառաջիկայ  ընտրութիւններուն, սակայն պիտի մերժէ Միշէլ Աունի թեկնածութիւնը:  Ժաաժա քննադատեց  նոր  կառավարութեան ուշացումը:

–         Երեսփոխան Ժան  Օղասապեան նշեց, թէ   Պըրրի- Սինիորա  աւելի յաճախակի   հանդիպումներ պիտի ունենան  յառաջիկայ օրերուն,  կառավարութեան  եւ   խորհրդարանի  օրէնսդիր նիստի  շուրջ  հասկացողութիւն գոյացնելու նպատակով: Օղասապեան  դիտել տուաւ, որ  որեւէ   օրինագիծ կը կարօտի   կառավարութեան հաւանութեան:

–         Ներքին գործոց նախարար Մարուան Շարպէլ յայտարարեց, թէ Լիբանան պիտի  դիմակալէ եւ յաղթահարէ  շրջանային հակամարտութիւններու ժխտական անդրադարձները:

–         Լիբանանեան բանակի միաւորներ կրակոցներու թիրախ դարձան Պաալպէքի թաղամասերէն մէկուն մէջ՝ յանցագործներ փնտռելու  պարտականութեան  միջոցին: Կառավարութեան մօտ զինուորական ատեանի գլխաւոր դատախազ Սաքր Սաքր  հրահանգեց  հետաքննութիւն մը բանալ միջադէպին շուրջ:

LEAVE A REPLY

Please enter your comment!
Please enter your name here