ՓՈՒԹԻՆ՝ «ԺԸՆԵՒ -2»Ն ՅԱՋՈՂՈՒԹԻՒՆ ՄԸ ՊԻՏԻ ԸԼԼԱՅ ՀԱՄԱՅՆ ՄԻՋԱԶԳԱՅԻՆ ԸՆՏԱՆԻՔԻՆ

0
59

 ՄԱԿ-ի ընդհանուր   քարտուղար  Պան Քի Մուն  յայտարարեց, թէ Սուրիոյ հակամարտութիւնը   դարձած է   միջազգային կազմակերպութիւնը  դիմագրաւող  մեծագոյն   մարտահրաւէրը:  Ան, քաղաքական  երկխօսութեան  կոչ ուղղեց հակամարտութեան կողմերուն:  Ռուսիոյ  նախագահ Վլատիմիր Փութին  հաւաստեց, թէ  «Ժընեւ -2» խորհրդաժողովը  յաջողութիւն մը պիտի  ըլլայ համայն  միջազգային   ընտանիքին համար: Իրանի  խորհրդարանի նախագահ Ալի Լարիճանի ամբարտաւանութիւն նկատեց Պաշշար Ասատի  նախագահութեան  թեկնածութեան դէմ ամերիկացի պատասխանատուներու կատարած յայտարարութիւնները:

Դամասկոսի  մէջ  ՄԱԿ-ի եւ  Արաբական Լիկայի պատուիրակ  Լախտար Իպրահիմի նախագահ Պաշշար Ասատի հետ  քննարկեց առեւանգուած երկու  հոգեւորականներուն թղթածրարը:

Ռազմական գետնի վրայ ամերիկեան եւ  ռուսական միացեալ  միջնորդութիւններու շնորհիւ, սուրիական բանակը  կը յետաձգէ  լիբանանեան սահմանագիծին  մօտակայ   Քալամունի շրջանը  իր  հակակշիռին տակ  վերցնելու հաշուեյարդարը:  Լիբանանի մօտ Ռուսիոյ եւ Միացեալ Նահանգներու դեսպանները   քուլիսային հանդիպումներ կ’ունենան  լիբանանեան   քաղաքական անձնաւորութիւններու, կուսակցութիւններու հետ, ակնկալելով որ  «Ժընեւ -2» խորհրդաժողովին  լոյսին տակ, առանց  զինեալ  հակամարտութեան կարելի պիտի ըլլայ լուծել  Քալամունի  իրավիճակը: Բանակը  յառաջընթաց կ’արձանագրէ երկրին տարբեր շրջաններուն մէջ: 

Արեւմտեան  գերմանական «Տէր Շփիկըլ» օրաթերթը կը գրէ, թէ  եւրոպական ցամաքամասէն  հազարէ աւելի   իսլամիստներ Թուրքիոյ ճանապարհով  թափանցած են  Սուրիա: 

Սուրիոյ քիմիական զէնքերը  չէզոքացնելու առաքելութեան միջազգային պատուիրակութեան նախագահ Սիկրիտ  Քաակ՝  Լիբանանի  ճանապարհով  հեռացաւ Սուրիայէն:

LEAVE A REPLY

Please enter your comment!
Please enter your name here