Վերջին Ամիսներու Գլխաւոր Վեց Իրադարձութիւնները՝ Ըստ «Փայիս»ի

Սպանական «Փայիս» թերթը թուած է Յուլիս ամիսէն ի վեր աշխարհի տարածքին տեղի ունեցած գլխաւոր վեց իրադարձութիւններ, որոնք են.
– Սուրիոյ մէջ քիմիական զէնքի գործածութեան հարցը, զոր լուծելու Միացեալ Նահանգներու նախագահ Պարաք Օպամայի փորձը ձախողեցաւ, մինչ Ռուսիոյ նախագահ Վլատիմիր Փութինը յաջողեցաւ:
– Փութինի «վերածնունդը»: Սուրիոյ դէպքերը Փութինի միջազգային հեղինակութիւնը բարձրացնելու կարելիութիւն ստեղծեցին, եւ ան կրցաւ լաւապէս օգտուիլ անոնցմէ: Ըստ թերթին՝ Փութին «արիւնարբու վարչակարգը պաշտպանող բռնատէրէ» մը փոխակերպուեցաւ «պատերազմը կանխարգիլող ղեկավար»ի:
– Եգիպտոսի նախագահ Մուհամմատ Մուրսիի պաշտօնազրկումը:
– Ռուհանիի յայտնուիլը: Թերթը Իրանի նախագահ Հասան Ռուհանիի ընտրութիւնը եւ Իրան-Միացեալ Նահանգներ յարաբերութիւններուն «ձիւնհալը» կը ներկայացնէ իբրեւ Իրանի դէմ միջազգային պատժամիջոցներու յաջողութիւնը:
– Ամերիկեան «Թէյի կուսակցութիւն» շարժումի հզօրութիւնը, որ փաստացիօրէն կասեցուցած է Միացեալ Նահանգներու կառավարութեան աշխատանքին մէկ մասը, ինչ որ համաշխարհային նոր ճգնաժամ մը կրնայ յառաջացնել:
– Ուժանիւթի արտահանման մէջ Միացեալ Նահանգներու՝ աշխարհին մէջ առաջին դիրքը գրաւելը:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button