ԷՃԷ Թեմելքուրանը. «Մենք մոռացկոտ հասարակութիւն ենք. շատ իրադարձութիւններ ենք մոռացել»

0
38

Թրքական «Բիրգյուն» թերթի նախկին գլխաւոր խմբագիր Էհճէ Թեմելքուրանը, Գերմանիայի Էսսեն քաղաքում անցկացուող «Ruhr» գրքի տօնավաճառում, որտեղ ներկայացնում էր իր նոր գիրքը, հանդէս է եկել ելոյթով:  

Ըստ թրքական «Օտաթիվի» լրատուական կայքի` ելոյթում նա անդրադարձել է Ստամպուլի Գեզի զբօսայգու շուրջ ծաւալած դէպքերին: Նա նշել է, որ Գեզիի ցոյցերը ապստամբութիւն էին իշխող «Արդարություն և Բարգաւաճում» կուսակցութեան (ԱԶԿ-AKP) դէմ: 

«Շատերը բռնութեան ենթարկուեցին: Երիտասարդներ զոհուեցին, սակայն ոչ ոք հետ չկանգնեց: Երիտասարդները 3 ծառի համար դուրս եկան պայքարի: Սեփական իրաւունքների համար պայքարեցին: Սա դեռ ինչքան կը շարունակուի` անյայտ է: Սակայն որպէս հասարակութիւն մենք մոռացկոտ հասարակութիւն ենք: Այս աւանդոյթը պահպանւում է` սկսած 1915 թ Հայկական կոտորածներից: Մենք շատ իրադարձութիւններ ենք մոռացել: Արդեօ՞ք սա էլ կը մոռանանք: Չգիտեմ: Սակայն սա մի իրողութիւն կայ, որ մոռանալ չի նշանակում ամեն ինչ ջնջել: Դրա համար էլ տեղի ունեցած ոչ մի զարգացում հնարաւոր չէ չեղեալ համարել: Նոյնն էլ Գեզիի դէպքում: Հենց սա էլ վախեցնում է իշխանութեանը»,-ասել է նա:

Ունկնդիրներից մէկի հարցին, թե 30-ամեայ քրտական պատերազմի մասին ինչու՞ վէպ չի գրւում, Էճէ Թեմելքուրանը պատասխանել է. «Հաւանաբար չենք նկատում, կամ էլ չենք ուզում ընդունել, սակայն մեր ամբողջ կեանքը պտտւում է քրտական պատերազմի շուրջ: Ներկայումս Թուրքիայում գեղարուեստական ֆիլմերում , երաժշտութեան և մի շարք գեղարուեստական ստեղծագործութիւնների մէջ այս թեման շօշափւում է»:

LEAVE A REPLY

Please enter your comment!
Please enter your name here