ՊՈՒՐՃԱՆԱՁԷ՝ ԱՌԱՆՑ ՌՈՒՍԻՈՅ ՀԵՏ ՅԱՐԱԲԵՐՈՒԹԻՒՆՆԵՐՈՒ ՀՆԱՐԱՒՈՐ ՊԻՏԻ ՉԸԼԼԱՅ ԼՈՒԾԵԼ ՎՐԱՍՏԱՆԻ ՀԻՄՆԱԽՆԴԻՐՆԵՐԸ

0
30

 Վրաստանի նախագահութեան  թեկնածու  Նինօ Պուրճանաձէ այն կարծիքին է, թէ  ներկայ հանգրուանին, Վրաստան  ոչ մէկ  հնարաւորութիւն ունի անդամակցելու ՆԱԹՕ-ին:  Հանրային  հեռատեսիլէն արտասանած իր խօսքին մէջ, Պուրճանաձէ  նշեց, թէ  այնքան ժամանակ, որ ռուսական զօրքեր կը գտնուին  Վրաստանի տարածութեան վրայ, կարելի  պիտի  չըլլայ ՆԱԹՕ-ի անդամակցութեան  լուրջ   քննարկումներ կատարել .« Ի տարբերութիւն վրացի այն բազմաթիւ  քաղաքական գործիչներուն, որոնք կ’ըսեն,թէ Վրաստան  շուտով պիտի անդամակցի ՆԱԹՕ-ին, ես կ’ըսեմ,  ոչ ՝ 2014-ին,   ոչ  ալ՝ 2015-ին կարելիութիւն  պիտի ունենաք անդամակցելու ՆԱԹՕ-ին».  ընդգծեց  Պուրճանաձէ:  Ան նաեւ յայտնեց, թէ առանց Ռուսիոյ հետ  յարաբերութիւններու կարգաւորման, անհնար պիտի   ըլլայ լուծել  Վրաստանի  հիմնախնդիրները: « Ես պատրաստ  եմ  Ռուսիոյ հետ  ընդգրկուն   երկխօսութիւն սկսիլ բոլոր խնդրայարոյց  հարցերու շուրջ: Վստահ  եմ, որ   նման երկխօսութեան  ընթացքին  կարելի պիտի  ըլլայ  բոլոր  հիմնախնդիրներու  փոխշահաւէտ լուծումը, ներառեալ՝  Վրաստանէն  ռուսական զօրքերու   դուրսբերման հարցը». յայտնեց ան:

Նշենք, թէ Վրաստանի նախագահական  ընտրութիւնները պիտի կայանան Կիրակի,  27  Հոկտեմբերին: Պաշտօնական 23  թեկնածուներ կը  պայքարին նախագահութեան համար:

LEAVE A REPLY

Please enter your comment!
Please enter your name here