ՏԻԳՐԱՆ ՍԱՐԳՍԵԱՆ՝ ՀԱՅԱՍՏԱՆ ՀՐԱՒԻՐԵՑ Ե.Ժ.Կ ԳԼԽԱՒՈՐ ՔԱՐՏՈՒՂԱՐԸ

0
41

Հայաստանի  վարչապետ  Տիգրան Սարգսեան  Պրիւքսէլի մէջ    հանդիպում մը ունեցաւ Եւրոպայի Ժողովրդական Կուսակցութեան   գլխաւոր քարտուղար  Անթոնիօ  Լոփէզ  Ուայթի հետ: Անոնք   քննարկեցին  Հայաստանի Հանրապետական Կուսակցութեան եւ   Եւրոպայի Ժողովրդական Կուսակցութեան համագործակցութեան  ընթացքը եւ   հեռանկարները:  Այս առիթով, Տիգրան Սարգսեան   Հայաստան այցելութեան  պաշտօնական  հրաւէր մը փոխանցեց  Ուայթին:

Հայաստանը միշտ իբրեւ փոխլրացնող դիտարկած է Եւրոպական Միութեան եւ Մաքսային Միութեան հետ յարաբերութիւնները: Այս մասին հարց ու պատասխանի ժամանակ յայտարարեց  Հայաստանի վարչապետ Տիգրան Սարգսեան.«Մենք երբեւիցէ չենք ասել, որ փոխլրացնող են ԵՄ-ի եւ ՄՄ-ի հետ կնքուող փաստաթղթերը, այլ ասել ենք, որ այդ քաղաքական գործընթացները մենք դիտարկում ենք որպէս փոխլրացնող». Նշեց  վարչապետը:

Անոր խօսքով` այդ փաստաթուղթերուն մէջ կրնան ըլլալ կէտեր, որոնք իրարու կը հակասեն: «Այստեղ խնդիրն այն է, որ բանակցային գործընթացի միջոցով մենք պէտք է կարողանանք վերացնել այդ խնդիրները»,- ըսաւ Տիգրան Սարգսեան` աւելցնելով, որ Հայաստանի միակ նպատակը Մաքսային Միութեան եւ Եւրոմիութեան հետ համագործակցութեան արդիւնաւէտ համատեղումն է:

ՀՀ վարչապետը ընդգծեց, որ Հայաստանը Մաքսային Միութեան միանալու քաղաքական որոշում կայացուցած է եւ չի կրնար որեւէ փաստաթուղթ ստորագրել, որ կը հակասէ այդ կառոյցին Հայաստանի ընդելուզման գործընթացին:

 

LEAVE A REPLY

Please enter your comment!
Please enter your name here