ԹՐԻՓՈԼԻԻ ԱՊԱՀՈՎԱԿԱՆ ԾՐԱԳԻՐԸ ԿԸ ՍՊԱՍԷ ՔԱՂԱՔԱԿԱՆ ՀԱՄԱՁԱՅՆՈՒԹԻՒՆՆԵՐՈՒ ԱԶԴԱՆՇԱՆԻՆ

0
15

Թրիփոլիի ապահովական մագլցումը   մեծ բռնկումի մը  սեմին հասցուցած է երկիրը:   Հակամարտութեան կողմերուն անտեղիտալի կեցուածքները, ահնար կը դարձնեն   միջնորդութեան առաքելութիւնները: Թրիփոլի կը մնայ անդամալոյծ  զինեալ կազմակերպութիւններու կամայականութեանց  պատանդ:  Գետնի վրայ Թրիփոլիի  երէկուան բախումներուն ընթացքին մահացաւ քաղաքացի մը:  Վիրաւորներուն թիւը  ոչ պաշտօնական   տուեալներու համաձայն հասած է  ութի: :

Այս  մտահոգութեան  լոյսին տակ,   երէկ առաւօտեան, Պաապտայի  պալատին մէջ,  հանրապետութեան նախագահ  Միշէլ Սըլէյմաի գլխաւորութեամբ,  հրաժարեալ վարչապետ Նեժիպ Միքաթի, պաշտպանութեան եւ ներքին գործոց նախարարի պաշտօնակատարեր՝  Ֆայէզ Ղըսն, Մարուան Շարպէլ, ապահովական կառոյցներու  ներկայացուցիչներու մասնակցութեամբ  գումարեցին արտակարգ   նիստ մը եւ  քննարկեցին Թրիփոլիի իրավիճակը:  Նախքան նիստը, լրագրողներու  հետ կարճ  ճեպազրոյցի մը  ընթացքին,  ներքին  գործոց նախարար Մարուան Շարպէլ, պատասխանելով  Թրիփոլիի ապահովութեան  ծրագիրը   քննադատող  հոսանքներուն, յայտարարեց, թէ  ծրագիրը  տակաւին  չէր  ծնած՝ որպէզի  մահացած յայտարարուէր..:  Շարպէլ շեշտեց, թէ  ոչինչ կրնայ  փոխարինել պետութիւնը,  յատկապէս՝  երկրին  քաղաքային անվտանգութիւնը պաշտպանող  կառոյցները: Նիստէն առաջ,  նախագահ  Սըլէյման եւ  հրաժարեալ վարչապետ Նեժիպ Միքաթի  ունեցան կարճ խորհրդակցութիւն մը:

Նիստի ընթացքին, ներկաները  քննարկեցին  Թրիփոլիի ապահովութեան ծրագիրը: Հանրապետութեան նախագահը  շեշտեց,թէ բանակին  իրաւասութիւններ տրուած է  վճռական քայլերով  կասեցնելու  խռովարարութեան  փորձերը: Իր կարգին,   հրաժարեալ  վարչապետ  Նեժիպ Միքաթի պատասխանատուութեան հրաւիրեց  ապահովական բոլոր կառոյցները, աւելցնելով որ  Թրիփոլիի ապահովական  իրավիճակը  անկարելի է շարունակել   միեւնոյն  ընթացքով:  

Նիստը աւարտելէ ետք,  վարչապետը  շեշտեց, թէ  ապահովական   քայլեր  գործադրութեան պիտի  դրուին  Թրիփոլիի մէջ:  Ան աւելցուց, թէ  ոչ մէկ   քաղաքական  հովանոց   օրինազանցներուն: «Ժընեւ-2» խորհրդաժողովին  մասին ակնարկելով, Միքաթի նշեց, թէ Լիբանան  բնականաբար պիտի  քննարկէ մասնակցութեան հարցը, հրաւէրը  ստանալու պարագային, սակայն շատ հաւանաբար Լիբանան  մասնակցի «Ժընեւ -2» ին:   Նեժիպ Միքաթի  երէկ առաւօտեան ընդունեց Լիբանանի համար ստեղծուած Միջազգային Ատեանի բաժնի  վարիչ  Տարիլ  Մոնտէսը, Լիբանանի մօտ Հնդկաստանի   դեսպանը, պետական անվտանգութեան ընդհանուր տնօրէն, հազարապետ  Ճորճ Քարաան,   գիւղատնտեսութեան նախարարի պաշտօնակատար Հիւսէյն Հաճ  Հասանը: :

LEAVE A REPLY

Please enter your comment!
Please enter your name here