ԵՒՐՈԽՈՐՀՐԴԱՐԱՆԸ ԵՐԿՈՒ ՀԱԿԱՍԱԿԱՆ ԲԱՆՁԵՒԵՐ ԿԸ ՔՈՒԷԱՐԿԷ ՂԱՐԱԲԱՂԻ ՀԱՐՑԻՆ ՇՈՒՐՋ

 23 եւ 24 Հոկտեմբերին,  Սթրազպուրկի մէջ գումարուած Եւրոխորհրդարանի լիագումար նիստին ընթացքին, եւրոպատգամաւորները նախնական քուէարկութեամբ հաստատին  Արեւելեան գործընկերութեան անդամ երկիրներու հետ յարաբերութիւններու ամրապնդումը եւ մինչ այսօր արձանագրուած յառաջխաղացքն ու անյաջողութիւնները ներկայացնող զեկոյցին փոփոխութիւնները:
Զեկոյցի կէտերէն 16-րդը եւ 23-րդը կ՛առնչուին Լեռնային Ղարաբաղի: Այս կէտերուն վերաբերող լուրերը տարաբնոյթ մեկնաբանութիւններու պատճառ դարձած են:
Մասնաւորապէս, ատրպէյճանական կողմի նախաձեռնութեամբ տարածուած լուրերուն համաձայն՝ Եւրոխորհրդարանը հաստատած է այդ երկու կէտերը, որոնք կը հակասեն զիրար: Անոնց առաջինին մէջ, Եւրոխորհրդարանը կը յիշեցնէ իր դիրքորոշումը այն մասին, թէ՝ «Արեւելեան գործընկերութեան անդամ երկիրի մէկ կողմէն միւսին տարածքին բռնագրաւումը խախտում մըն է Արեւելեան գործընկերութեան հիմնարար սկզբունքներուն ու նպատակներուն», իսկ 23-րդ կէտը կը կրկնէ այս կէտի որոշ դրոյթները:
Եւրոպայի Հայ Դատի յանձնախումբի ատենապետ Գասպար Կարապետեան այս մասին ըսած է, թէ արդէն իսկ 16-րդ կէտը մերժուած է, իսկ 23-ը, որուն մէջ 16-րդ կէտի դրոյթները կան, տակաւին կը մնայ զեկոյցին մէջ, հակառակ այն իրողութեան, որ այդ դրոյթները վերցնելու նախնական համաձայնութիւն գոյացած էր:
Եւրոպայի Հայ Դատի յանձնախումբը եւ Հայաստանի դեսպանատունը արդէն իսկ դիմած են Եւրոխորհրդարան, այս թիւրամացութիւնը սրբագրելու համար:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button