ՖՐԱՆՍԱՀԱՅ 40 ԳՈՐԾԱՐԱՐՆԵՐ ԾԱՆՕԹԱՑԱՆ ՀԱՅԱՍՏԱՆԻ ՆԵՐԴՐՈՒՄԱՅԻՆ ԻՐԱՎԻՃԱԿԻՆ

0
12

Հայաստանի առեւտրական բնագաւառը աշխուժացնելու նպատակով ֆրանսահայ աւելի քան 40 գործարար ու ներդրող հաւաքուեցան մէկ յարկի տակ: Ֆրանսահայ գործարարներու տնտեսական համաժողովին ընթացքին Հայաստանի Սփիւռքի նախարար Հրանոյշ Յակոբեան նշեց, որ Հայաստանը այսօր աշխատատեղերու կարիք ունի, եւ այդ հարցի լուծման իմաստով մեծ դերակատարութիւն կրնայ ունենալ Ֆրանսան: «Հայաստանը հնարաւորութիւնների երկիր է: Եկէք եւ օգտագործէք այդ հնարաւորութիւնները: Հայաստանի հարկային եւ  մաքսային քաղաքականութիւնը գնալով կատարելագործւում է: Մենք պէտք է հասնենք այն բանին, որ բիզնեսն աւելի ակտիւանայ», ֆրանսացի գործարարներուն դիմելով յայտնեց Յակոբեան։
Մարսէյի քաղաքապետ Ժան Քլոտ Կոտենի համաձայն, Ֆրանսայի եւ Հայաստանի համագործակցութիւնը՝ հիմնուած բարեկամութեան եւ համերաշխութեան վրայ, պիտի շարունակուի։
Հայաստանի տնտեսութեան փոխնախարար Տիգրան Յարութիւնեանը ֆրանսահայ գործարարներուն հաւաստիացուց, որ Հայաստանը ներդրումներ կատարելու առումով վստահելի է:
Հայաստանի մօտ Ֆրանսայի դեսպան Հանրի Ռենօ Հայաստանի համար տնտեսութեան զարգացումը կարեւոր մարտահրաւէր  նկատեց՝ շեշտելով, որ պէտք է զայն յաղթահարել։ «Մեր տնտեսական յարաբերութիւններու զարգացումը բաւական նշանակալից է, եւ արժէ զարգացնել այդ հնարաւոր տարբերակը երկու երկիրներուն համար», աւելցուց դեսպանը։
Համաժողովին ընթացքին գործարարները արդիւնաւէտ եւ փոխշահաւէտ համագործակցութեան կարելիութիւններ ունեցան՝ իրարու ծանօթացնելու իրենց գործունէութեան ոլորտները, քննարկելու համագործակցութեան կարելիութիւններն ու հեռանկարները:

 

LEAVE A REPLY

Please enter your comment!
Please enter your name here