ԱՐՑԱԽԵԱՆ ՊԱՅՔԱՐԻ ՆԱՀԱՏԱԿՆԵՐՈՒՆ ՅԻՇԱՏԱԿԻՆ ՅՈՒՇԱՀԱՄԱԼԻՐ ԱՒԵՏԱՐԱՆՈՑԻ ՄԷՋ

0
33

Լեռնային Ղարաբաղի նախագահ Բակօ Սահակեան Աւետարանոց գիւղին մէջ մասնակցեցաւ Արցախեան հերոսամարտին ընթացքին զոհուած ազատամարտիկներուն յիշատակը յաւերժացնող յուշահամալիրի բացման հանդիսաւոր արարողութեան:Այս առիթով արտասանած  իր խօսքին մէջ, նախագահ Սահակեան ընդգծեց, որ մեր պարտքն է միշտ յիշել մեր մարտիրոսներուն սխրանքն ու հերոսութիւնը, ընել կարելին, որպէսզի իրականացնենք անոնց իղձերն ու փափաքները, որոնց կարգին ամէնէն նուիրականը ազատ, անկախ պետութիւնն է եւ անոր մնայուն հզօրացումը:
Նախագահ Սահակեանի համաձայն, այս յուշահամալիրը պէտք է դառնայ ուխտատեղի՝ անցեալը յիշելու, մեր հերոսներով հպարտանալու եւ, այսպիսով, ապագայի հանդէպ լաւատեսութեամբ ու յոյսով լեցուելու: Այնուհետեւ երկրի ղեկավարը պետական պարգեւներ յանձնեց գիւղի խումբ մը ազատամարտիկներու:
Հանդիսութեան մասնակցեցաւ Հայ առաքելական եկեղեցւոյ Արցախի թեմի առաջնորդ Պարգեւ արք. Մարտիրոսեանը, պաշտօնատար այլ անձեր:

 

LEAVE A REPLY

Please enter your comment!
Please enter your name here