ԻՐԱՆ ԴԱԴՐԵՑՈՒՑԱԾ Է ՈՒՐԱՆԻՈՄԻ 20 ԱՌ ՀԱՐԻՒՐ ՀԱՐՍՏԱՑՈՒՄԸ

0
35

Ռուսիոյ արտաքին գործոց  նախարարութիւնը   յայտարարեց, թէ Իրան դադրեցուցած է ուրանիոմի քսան առ հարիւր հարստացումը, որովհետեւ «Իրան արդէն ապահոված բաւական քանակութեամբ պաշար» Թեհրանի հիւլէական հնոցը վառելանիւթով ապահովելու համար:
Յայտարարութեան մէջ կ՛ընդգծուի, որ այս տեղեկութիւնը պիտի մեղմացնէ այն մտավախութիւնը, թէ Իրան մտադիր է ուրանիոմ օգտագործել ոչ խաղաղ նպատակներու համար, որոնց պատճառով ալ  պատժամիջոցներ  հաստատուած են Իրանի դէմ:

Նշենք, թէ Միացեալ Նահանգներու Ներկայացուցիչներու Տունը Ծերակոյտէն կը պահանջէ ժամանակաւորապէս սառեցնել Իրանի  դէմ նոր պատժամիջոցներու   օրինագիծը:

 Իսրայէլի ռազմավարական հարցերու նախարար Եովալ Շթայնից նշեց, որ իրանեան հիւլէական հարցը կարելի է դիւրութեամբ լուծել, եթէ Թեհրան իր հողերուն վրայ ուրանիոմի հարստացման աշխատանքները դադրեցնէ եւ  այլ երկիրներէ գնէ ուժանիւթի արտադրութեան համար այդ նիւթը:

LEAVE A REPLY

Please enter your comment!
Please enter your name here