ԹՈՒՐՔ-ՉԻՆԱԿԱՆ ՀԱՄԱՁԱՅԱԳԻՐԸ ԿԸ ՆԵՂԱՑՆԷ ՈՒԱՇԻՆԿԹԸՆԸ ԵՒ ՆԱԹՕՆ

0
5

Անգարայի մօտ Միացեալ Նահանգներու դեսպան Ֆրենսիս Ռիքարտոնէ յայտարարեց, որ Չինաստանի հետ հեռահաս հրթիռներ արտադրելու վերաբերեալ թուրք-չինական համաձայնագիրը կրնայ բացասական կերպով ազդել թուրք-ամերիկեան յարաբերութիւններուն վրայ:Միեւնոյն մտահոգութիւնը արտայայտեց ՆԱԹՕ-ի ընդհանուր քարտուղար՝ Անտերս Ֆոկ Ռասմուսենը:
Ըստ դեսպանին՝ Թուրքիոյ եւ Միացեալ Նահանգներու առեւտրական յարաբերութիւնները ներկայիս կը գտնուին բարձր մակարդակի վրայ, սակայն Ուաշինկթըն ցաւ յայտնած է Չինաստանի հետ նման համաձայնագիրի ստորագրման առթիւ՝ ակնարկելով, թէ չինական համակարգերը կրնան համակարգումի հարցեր ստեղծել Թուրքիոյ եւ անոր արեւմտեան դաշնակիցներուն միջեւ ռազմական գործակցութեանց ընթացքին:
Թուրքիոյ նախագահ Ապտուլլա Կիւլ, անդրադառնալով այդ որոշումին՝ նշեց, թէ Թուրքիոյ ռազմական շահերը կը գերազանցեն ամէն ինչ: Ան աւելցուց, թէ Թուրքիա հաշուի կ՛առնէ բոլոր դաշնակիցներուն շահերը, սակայն Չինաստանի հետ գործակցութեան մէջ անօրինական ոչինչ կայ:

 

LEAVE A REPLY

Please enter your comment!
Please enter your name here