ՍԸԼԷՅՄԱՆ՝ ՄԵԿՈՒՍԱՑՈՒՄԸ ՉԻ ԿՐՆԱՐ ՔՐԻՍՏՈՆԷՈՒԹԵԱՆ ՈՒՂԵՑՈՅՑ ԴԱՌՆԱԼ

0
243

 Ռապուէյի մէջ  երէկ առաւօտեան,  Լիբանանի  եւ Միջին Արեւելքի   քրիստոնեայ   համայնքապետերու,  հոգեւորականներու  մասնակցութեամբ  տեղի ունեցաւ  Արեւելքի  քրիստոնէութեան  ընդհանուր  խորհրդաժողովը:Հանրապետութեան նախագահ Միշէլ Սըլէյման հովանաւորեց  Արեւելքի  քրիստոնեաներու  ընդհանուր   խորհրդաժողովին բացման արարողութիւնը  եւ այդ առիթով արտասանած  իր խօսքին մէջ  նշեց, թէ  քրիստոնեաներու թիւը Արեւելքի  մէջ  նուազած է հասնելով  վեց առ  հարիւրի՝  վայրագութիւններու  եւ  արաբ-իսրայէլեան հակամարտութեան հետեւանքով: Ան աւելցուց, թէ պետութեան մօտ  քաղաքական եւ տնտեսական ազատ որոշումի բացակայութիւնը,  իշխանութիւններու  իրաւասութեանց   համար ծագած  սահմանադրական  վէճերը,  քրիստոնեաները կը  մղեն  հեռանալու  միջինանրեւելեան նոստաններէն:  

Սըլէյման  իր  խօսքի աւարտին  շեշտեց, թէ   քրիստոնեաներու ապագան  կարելի չէ կերտել մեկուսացումի, օտար   բանակներու  ապաւինելու   քաղաքականութեան վրայ, այլ՝   շրջապատի հետ համագործակցութեան եւ   համակեցութեան սկզբունքներուն  վրայ:

Խորհրդաժողովին խօսք առաւ նաեւ Մեծի Տանն Կիլիկիոյ Արամ Ա. Կաթողիկոսը:  ՆՍ.Օ.Տ.Տ. Արամ կաթողիկոս  յայտնեց, թէ   քրիստոնէութիւնը կը հանդիսանայ  Միջին Արեւելքի  կառոյցին  կարեւոր մէկ  մասնիկը եւ անհրաժեշտ է  պահպանել այդ  աւանդութիւնը

LEAVE A REPLY

Please enter your comment!
Please enter your name here