ՆԱԽԱԳԱՀԸ ԵՒ ՎԱՐՉԱՊԵՏԸ ՀԱՄԲԵՐՈՒԹԵԱՄԲ ԿԸ ՀԱՆԴՈՒՐԺԵՆ ԽԱԽՏՈՒՄՆԵՐԸ

0
36

Նորանշանակ վարչապետ Թամամ Սալամ երէկ առաւօտեան այցելեց Պաապտայի  պալատ եւ  հանրապետութեան նախագահ Միշէլ Սըլէյմանի հետ քննարկեց  երկրին ապահովական իրավիճակը, ինչպէս նաեւ նոր կառավարութիւն կազմելու ուղղութեամբ կատարուող աշխատանքը:

Կենսոլորտի    նախարարի պաշտօանկատար Նազէմ Խուրի   յայտնեց,թէ   Պաապտայի Յայտարարութիւնը  շրջանային պետութիւններու, ՄԱԿ-ին եւ Արաբական Լիկայի  կողմէ  ճանաչում ստացած փաստաթուղթ մը  ըլլալով,   լիբանանեան  բոլոր  խմբաւորումներէն  կը պահանջուի  յանձնառու մնալ անոր յօդուածներուն:  Ան   նշեց, թէ հանրապետութեան նախագահը եւ  նորանշանակ վարչապետը բաւական լայն համբերութեամբ  կը հանդուրժեն  խախտումները, սակայն   համբերութիւնն ալ ունի   իր չափն ու կշիռը:  Ան նկատել տուաւ, որ Հըզպալլա առանց  հանրապետութեան   նախագահին եւ    լիբանանեան  բանակի հրամանատարութեան հետ խորհրդակցելու որոշած էր  միջամտել Սուրիոյ զարգացումներուն: 

 Միւս  կողմէ, Խուրի  զարմանք յայտնեց  Սուրիոյ հակամարտութիւնը կարգաւորելու ուղղութեամբ   Թեհրան – Ուաշինկթըն  եւ Ուաշինկթըն –  Մոսկուա  մերձեցումին դէմ Սէուտական Արաբիոյ կեցուածքին:  Խուրի   ըսաւ, թէ  Թամամ Սալամ  մրցանիշ մը հաստատեց նոր կառավարութիւն  կազմելու  համար  խլած  ժամանակով:  Նախարարը   ցաւ յայտնեց, որ  նախագահ  Միշէլ Սըլէյման,  իր   պաշտօնավարութեան ժամանակաշրջանին կէսը բոլորեց  վարչապետ նշանակելու եւ կառավարութիւ կազմելու   վէճերով:

 Մտահոգիչ այս կացութիւններուն զուգահեռ,  ելեւմտական  հարցերու նախարարի պաշտօնակատար  Մուհամմէտ Սաֆատի  յայտեց,թէ  երկրին ելեւմտական   կացութիւնը մռայլ  վիճակ մը  կը պարզէ, որովհետեւ  պետական պիւտճէի բացը  հատած է  վեց հազար միլիառ   լիբանանեան ոսկիի սահմանը:

Հանրապետութեան նախագահը երէկ մասնակցեցաւ Ռապույէի մէջ  տեղի ունեցող Արեւելքի Քրիստոնեաներու խորհրդաժողովին:

LEAVE A REPLY

Please enter your comment!
Please enter your name here