ՄԱՐԿՎԵԼԱՇՎԻԼԻ ՎՐԱՍՏԱՆԻ ՆԱԽԱԳԱՀ

0
23

Վրաստանի նախագահական  ընտրութիւնները աւարտեցան «Վրացական  Երազանք» խմբաւորումի ներկայացուցիչ, վարչապետ  Կէորկի   Մարկվելաշվիլիի յաղթանակով:  Վրաստանի  Կեդրոնական Ընտրական Յանձնաժողովին կողմէ  հրապարակուած  նախնական արդիւնքներուն համաձայն,  Մարկվելաշվիլի ապահոված է   քուէներու    66 առ հարիւրը:  Անոր անմիջական մրցակիցը՝ «Միասնական Ազգային Շարժում»ի ներկայացուցիչ  Դաւիթ  Բաքրաձէ ապահովեց   քուէներու  21.9 առ հարիւրը,իսկ Նինօ Պուրջանածէ՝   10.06 առ հարիւր:

Վրաստանի  գործող սահմանադրութեան համաձայն, ընտրութիւններուն  պաշտօնական  արդինքը պիտի  յայտարարուի   քուէարկութենէն քսան օր ետք: Միւս կողմէ, «Վրացական Երազանք»  միաւորումի  ներկայացուցիչներ յայտեցին թէ   նոր նախագահին երդմնակալութիւնը տեղի պիտի ունենայ   17  Նոյեմբերին:   Նշենք, թէ  Վրաստանի հայերուն մեծամասնութիւնը  քուէարկած է  յօգուտ  նորընտիր նախագահին:

LEAVE A REPLY

Please enter your comment!
Please enter your name here