ՆԱԽԱԳԱՀ ՍԸԼԷՅՄԱՆ ՔՆՆԱՐԿԵՑ ԸՆԹԱՑԻԿ ՀԱՐՑԵՐ

0
46

Հանրապետութեան նախագահ Միշէլ Սըլէյման  Պաապտայի պալատին մէջ ընդունեց  խորհրդարանի փոխնախագահ  Ֆերիտ Մաքարին,  ներքին գործոց նախարարի պաշտօնակատար  Մարուան Շարպէլը,  աշխատանքի նախարարի պաշտօնակատար  Սելիմ Ճըրէյսաթին, ինչպէս նաեւ Մեծի Տանն Կիլիկիոյ  Ն.Ս.Օ.Տ.Տ . Արամ  Ա. Կաթողիկոսը,  Լիբանանի   Հայոց  Թեմի Առաջնորդ՝ Գերշ. Տ.  Շահէ եպս.  Փանոսեանի եւ պատուիրակութեան մը   ընկերակցութեամբ:

 Հրաժարեալ վարչապետ  Նեժիպ Միքաթի  անարդարանալի նկատեց նոր կառավարութեան  կազմութիւնը  ուշանալու պատճառաբանութիւնները եւ  միաժամանակ արդարացուց    Սուրիոյ հակամարտութեան հանդէպ  չէզոք  դիրք որդեգրելու  լիբանանեան կառավարութեան  ընտրանքը:   Վարչապետը  քաղաքական  բոլոր կողմերէն պահանջեց յարգել Պաապտայի   Յայտարարութիւնը: Միքաթի ընդունեց  Մարոնիներու  Խորհուրդի   նախագահ   Ուատիյ Խազէնը,  տեղեկատուութեան  հրաժարեալ   նախարար  Ուալիտ Տաուաքը  եւ այլ անձնաւորութիւններ:

 Վարչապետը  իր  գոհունակութիւնը  յայտնեց  Թրիփոլիի ապահովական  ծրագիրին  ընթացքէն: Միքաթի  յայտնեց, թէ բանակի   հրամանատարութիւնը գործադրութեան դրած է  ապահովական ամբողջական  ծրագիր մը, որուն շնորհիւ, բանակը պիտի   քանդէ   հակամարտութեան կողմերուն  կառուցած  պատնէշները եւ  խստագոյնս վերաբերի  օրինազանցներու  հանդէպ:

LEAVE A REPLY

Please enter your comment!
Please enter your name here