ԼԱՒՐՈՎ ԿԸ ՔՆՆԱԴԱՏԷ «ԺԸՆԵՒ -2» ՁԱԽՈՂՈՒԹԵԱՆ ՄԱՏՆԵԼՈՒ ՓՈՐՁԵՐԸ

0
15

 Ռուսիոյ արտաքին գործոց  նախարար  Սերկէյ  Լաւրով    քննադատեց   զինեալ կազմակերպութիւններու կողմէ «Ժընեւ -2» խորհրդաժողովին  մասնակիցներուն  յղուող   սպառնալիքները:   Լաւրով  ցաւ յայտնեց, որ կարգ մը պետութիւններ  տակաւին կը շարունակեն խանգարել Սուրիոյ  հակամարտութիւնը  խաղաղ  ճանապարհներով  լուծելու փորձերը:

Սուրիոյ հարցով  ՄԱԿ-ի եւ Արաբական  Լիկայի յատուկ  պատուիրակ Լախտար Իպրահիմի  Երկուշաբթի առաւօտեան  ժամանեց   Պէյրութի   միջազգային  օդակայանը եւ   հանդիպում մը  ունեցաւ  ՄԱԿ-ի ընդհանուր քարտուղարի անձնական  պատուիրակ   Տերէք Փլամլիի  հետ:  Իպրահիմի, ցամաքային  ճանապարհով   մեկնեցաւ  Դամասկոս:   Իպրահիմիի այցելութիւնը   Դամասկոս, առաջինն էր ՝ անցնող Դեկտեմբերէն ի վեր:   Իպրահիմի, երէկ պիտի  տեսակցութիւն  մը   պիտի  ունենար  Սուրիոյ  արտաքին գործոց նախարար Ուլիտ Մոալէմի  հետ,  սակայն  վերջին պահուն յայտարարուեցաւ, թէ   հանդիպումը  յետագուած  էր այսրուան:

 Ռազմական  գետնի վրայ, բանակը  յաջողեցաւ իր աքցանին տակ վերցնել  Հոմս  քաղաքի արեւելեան  շրջաններուն մէջ  զինեալներուն գրաւած  դիրքերը: Քրտական՝ Ժողովուրդի  Պաշտպանութեան Ուժերու զինեալները  կը շարունակեն  Իրաքի  սահմանամերձ  գօտիները ազատագրել  Ալ Քայիտայի  ահաբեկիչներէն:   Ներկայի դրութեամբ, անոնք ազատագրած են  եօթ գիւղ եւ երեք գիւղաքաղաք: Ծայրայեղականները՝ « Հաուն» տիպի  հրթիռներ արձակեցին   Դամասկոսի  մօտակայ   Ճարմանա  գիւղին  ուղղութեամբ: Բանակը  յաջողեցաւ  իր  հակակշիռին տակ վերցնել Հոմս   քաղաքի  մօտակայ  քրիստոնէական  Սատատ     գիւղաքաղաքը:

Սուրիոյ  հանրապետութեան  միւֆթի Ահմէտ  Պատրէտտին  Հասուն  յայտարարեց, թէ  Սուրիոյ կառավարութեան  ուժերուն դէմ կը   կռուին 83  երկիրներէ, աւելի քան  100  հազար  վարձկաններ:

LEAVE A REPLY

Please enter your comment!
Please enter your name here