ԳԱՂՏՆԱԼՍՈՒՄՆԵՐՈՒ ԴԷՄ ԲՈՂՈՔԻ ՑՈՅՑ ՈՒԱՇԻՆԿԹԸՆԻ ՄԷՋ

0
35

Միացեալ Նահանգներու մայրաքաղաք Ուաշինկթընի մէջ բազմամարդ բողոքի ցոյց մը տեղի ունեցաւ՝ ամերիկեան գաղտնի սպասարկութեանց կողմէ կատարուող քաղաքացիներու լրտեսումներուն դէմ:
Ցոյցը կազմակերպած էր «Դադրեցէ՛ք մեզ հսկելէ» կազմակերպութիունը: Անվտանգութեան գործակալութեան կեդրոնատեղիին առջեւ կատարուած հաւաքին մասնակիցները Ներկայացուցիչներու Տունէն  պահանջեցին Ազգային անվտանգութեան գործակալութեան պարտադրել, որ կասեցնէ երկրէն ներս գաղտնալսումները:
Ցոյցը իր տեսակին մէջ առաջինն էր: Ցուցարարները հեռաձայնային հաղորդակցութեանց գաղտնալսումները դատապարտող կարգախօսներ բացագանչեցին. ոմանք նաեւ բարձրացուցած էին պաստառներ, որոնց վրայ գրուած էր՝ «Շնորհակալութիւն Էտուըրտ Սնոտըն»:
Յիշեցնենք, որ Միացեալ Նահանգներու կողմէ կատարուող լրտեսութեանց հարցը բացայայտուած է Ազգային անվտանգութեան  գործակալութեան համար աշխատանք տանող հիմնարկի մը պաշտօնեաներէն Էտուըրտ Սնոտընի կողմէ հրապարակուած փաստաթուղթերուն շնորհիւ:

 

LEAVE A REPLY

Please enter your comment!
Please enter your name here