ԹԵՀՐԱՆ՝ ՇՐՋԱՆԱՅԻՆ ԵՐԵՔ ՊԵՏՈՒԹԻՒՆՆԵՐ ԱՀԱԲԵԿԻՉՆԵՐՈՒ Կ’ԱՋԱԿՑԻՆ

0
14

Իրանի ներքին գործոց նախարարութեան ենթակայ սահմանապահ ուժերու հրամանատար զօր. Հիւսէյն Զուլֆիքար յայտնեց, որ երկիրի «սահմանապահ ուժերուն կողմէ հաղորդուած տեղեկութիւնները ցոյց կու տան, թէ շրջանին մէջ երեք երկիրներ զինեալ ահաբեկիչներու տեղեկութիւններ կը տրամադրեն՝ Իրանի մէջ իսլամական հանրապետութեան վարչակարգը հարուածելու համար»: Ան լրագրողներուն յայտնեց, որ ըստ տեղեկութեանց՝ այդ երկիրները նաեւ նիւթական եւ այլ ձեւի օժանդակութիւն կը տրամադրեն եւ կը մարզեն իրանեան վարչակարգին հակադրուած այդ ահաբեկչական խմբաւորումները:
Յայտնենք, թէ անցած շաբաթավերջին, Իրանի իշխանութիւնները մահուան դատապարտած էին 16 բանտարկեալներ, որոնք, կը կարծուի, թէ անդամ են սիւննի ծայրայեղական խմբաւորումի մը: Անցեալ Ուրբաթ օր, այդ խմբակի անդամները Փաքիստան-Իրան սահմանին վրայ յարձակած էին իրանեան սահմանապահ դիրքի մը վրայ՝ սպաննելով 14 իրանցի սահմանապահներ:

 

LEAVE A REPLY

Please enter your comment!
Please enter your name here