ՍԷՈՒՏԱԿԱՆ ԱՐԱԲԻՈՅ ԳԼԽԱՒՈՐ ՄԻՒՖԹԻՆ ՍՈՒՐԻՈՅ ՀԱԿԱՄԱՐՏՈՒԹԵՆԷՆ ՀԵՌՈՒ ՄՆԱԼՈՒ ԿՈՉ Կ’ՈՒՂՂԷ ԵՐԻՏԱՍԱՐԴՈՒԹԵԱՆ

Սէուտական  Արաբիոյ  գլխաւոր միւֆթին,   շէյխ Ապտուլ  Ազիզ  Ալ  Շէյխ  երկրի   երիտասարդութեանը կոչ  ըրաւ, աղօթելու խաղաղութեան  համար եւ  չմասնակցելու  Սուրիոյ   ռազմական գործողութիւներուն: Կրօնական  գործիչը միաժամանակ  զինուորական  գործողութիւններէն  հրաժարելու կոչ ըրաւ երիտասարդութեան, ինչպէս նաեւ՝  Սուրիոյ մէջ   յօգուտ ճիհատիստներու  քարոզներէն.«  Տարածաշրջանին  մէջ  պատերազմ կ’ընթանայ   թշնամի խմբաւորումներու  միջեւ, դուք  չպէտք է միանաք անոնց:  Դուք  չէք գիտեր այդ հողը,  փորձ  չունիք, դուք  բեռ  պիտի դառնաք անոնց համար: Այն  ինչ ձեզմէ կը  պահանջուի  խաղաղութեան համար  աղօթքներն են» յայտարարեց    միւֆթին:

Իրանի փոխարտաքին գործոց  Հիւսէյն Ամիր Իյտ  Ալիհան  յայտարարեց, թէ   Թեհրան եւ  Լախտար Իպրահիմի  համաձայնութիւն  գոյացուցած են, թէ միայն   քաղաքական  ճանապարհով  կարելի պիտի  ըլլայ  լուծել Սուրիոյ հակամարտութիւնը:

 Այլ  գետնի վրայ, Ճեպհէթ Ալ Նուսարի   ահաբեկիչներ  քանդեցին  Իտլիպի  մէջ գործող  քրիստոնէական   եկեղեցի մը,  ինչպէս նաեւ  քրիստոնեաներու  բնակարաններ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button