ՄՈԱԼԼԷՄ ԸՆԴՈՒՆԵՑ ԻՊՐԱՀԻՄԻՆ

0
47

« Ժընեւ -2»  խորհրդաժողովի նախապատրաստութիւններուն  ծիրին մէջ , Սուրիոյ   հակամարտութիւնը կարգագորելու ՄԱԿ-ի եւ Արաբական  Լիկայի պատուիրակ   Լախտար Իպրահիմի  Դամասկոսի  մէջ հանդիպում մը ունեցաւ  արտաքին  գործոց նախարար Ուալիտ Մուալլէմի եւ   ընդդիմութիւնը ներկայացնող Ազգային  Համագործակցութեան Խորհուրդի ներկայացուցիչներունհետ:  Իպրահիմի  վերջ դնելով  մամուլի մէջ  տեղ գտած մեկնաբանութիւններուն,  յայտարարեց, թէ  Սուրիոյ  ժողովուրդը պիտի   որոշէ  երկրին  յաջորդ  հանգրուանը եւ ոչ՝ ինք:  Իսկ  նախագահ Պաշշար Ասատի՝  նոր շրջան մը նախագահութեան առաջադրուելու հարցին վերաբերեալ, Իպրահիմի հերքեց   մամլոյ  մէջ իր  անունով  շրջան  ընող տեղեկութիւնները, դարձեալ  շեշտելով,  թէ   սուրիացիները պիտի  որոշեն  այդ  մէկը:

Միւս  կողմէ, Իրանի փոխարտաքին գործոց  Հիւսէյն Ամիր Իյտ  Ալիհան  յայտարարեց, թէ   Թեհրան եւ  Լախտար Իպրահիմի  համաձայնութիւն  գոյացուցած են, թէ միայն   քաղաքական  ճանապարհով  կարելի պիտի  ըլլայ  լուծել Սուրիոյ հակամարտութիւնը:

 Այլ  գետնի վրայ, Ճեպհէթ Ալ Նուսարի   ահաբեկիչներ  քանդեցին  Իտլիպի  մէջ գործող  քրիստոնէական   եկեղեցի մը,  ինչպէս նաեւ  քրիստոնեաներու  բնակարաններ:Իսլամիստները նաեւ  պղծեցին  Ռաքա քաղաքի Թէլ Ապիատ արուարձանի  հայկական Սուրբ Խաչ  եկեղեցւոյ  խաչը  եւ այրեցին եկեղեցւոյ սրբապատկերները:  Սուրբ  Խաչ   եկեղեցին կառուցուած է  1923-ին:

ՄԱԿ-ի ընդհանուր  քարտուղար Պան Քի Մուն յայտարարեց, թէ  սուրիական  իշխանութիւնները լիուլի գործադրած էին  քիմիական  զէնքերու   չէզոքացման առնչութեամբ իրենց   պարտաւորութիւնները: Քի  Մուն  դիտել  տոաւ, թէ   միայն երկու վայրեր, որոնք  ծայրայեղականներու  հսկողութեան  տակ կը գտնուին  կարելի  չէր  եղած այցելել: Պան Քի Մուն  յայտնեց, թէ այս մասին տեղեկագիր մը  փոխանցած ՄԱԿ-ի Ապահովութեան Խորհուրդին:

 

LEAVE A REPLY

Please enter your comment!
Please enter your name here