ՆԱԽԱԳԱՀ ՍԸԼԷՅՄԱՆ՝ ԵՏԴԱՐՁ ՊԻՏԻ ՉԿԱՏԱՐԵՆՔ ԹՐԻՓՈԼԻԻ ԱՊԱՀՈՎԱԿԱՆ ԾՐԱԳԻՐԷՆ

Հանրապետութեան նախագահ Միշէլ Սըլէյման Պաապտայի  պալատին մէջ  ընդունեց  կենսոլորտի նախարարի  պաշտօնակատար  Նազէմ  Խուրին եւ  քննարկեց  երկրին  վերջին զարգացումները:  Նախարարը  հերքեց  քիմիական նիւթեր Լիբանան  փոխադրելու  մասին տեղեկութիւնները:

Սըլէյման նաեւ  ընդունեց  մարոնի պատրիարքութեան  փոխանորդ Պուլոս Սայիահ   եպիսկոպոսը, Մարոնիական Հանդիպում Խորհուրդի անդամներու  ընկերակցութեամբ:  Սըլէյման  ընդունեց  երեսփոխաններ Ռոպեր Ղանէմը, Հանրի Հելուն եւ Ազգային  Երկխօսութիւն կուսակցութեան պետ Օմար Մախզումին եւ այլ անձնաւորութիւններ:

Հանրապետութեան նախագահ Միշէլ Սըլէյման  յայտարարեց, թէ  ետդարձ  պիտի  չկատարէ Թրիփոլիի ապահովական ծրագիրին  գործադրութենէն, ինչպիսին ալ  ըլլան անոր   զոհողութիւնները: Նախագահ  Սըլէյման  դարձեալ  շեշտեց  երկխօսութեան նիստերը  վերսկսելու անհրաժեշտութիւնը:  Սըլէյման դիտել տուաւ, որ լիբանանցիներու միջեւ  երկխօսութիւնը անհրաժեշտութենէ աւելի  պարտաւորութիւն  դարձած է  ներկայիս:

Ներքին գործոց նախարարի պաշտօնակատար  Մարուան Շարպէլ նոյնպէս  շեշտեց ապահովական  ծրագիրը  ամբողջութեամբ գործադրելու  բանակի  հրամանատարութեան վճռակամութիւնը:

Լիբանանեան բանակը երէկ առաւօտեան  տարածուեցաւ՝ Պապ Թըպենէն  Ճապալ Մըհսէնէն  բաժնող   Սուրիոյ  պողատային  մէջ:  կ’արժէ նշել, որ  նախորդ օրը՝  Պապ Թըպենէի մէջ տեղակայուելու բանակին   փորձերը   բախեցան ձախողութեան: Լրատուական  տեղեկութիւններ կը հաղորդեն, թէ  ներքին ապահովութեան ուժերու  նախկին ընդհանուր  տնօրէն, հազարապետ Աշրաֆ Ռիֆի  կը  համախմբէ Պապ Թըպենէի  զինեալները՝ Թրիփոլիի Ազատականները անուան տակ  եւ  անձամբ պիտի  գլխաւորէ  Ճապալ Մուհսէնի  դէմ   բախումները:

Խորհրդարանի նախագահ  Նեպիհ Պըրրի յայտարարեց, թէ Լիբանան պիտի մասնակցի  «Ժընեւ -2» խորհրդաժողովին

Վարչապետի պաշտօնակատար Նեժիպ Միքաթի  վարչապետարանին մէջ   ընդունեց  Լիբանանի  մօտ Ռուսիոյ  վարչապետ  Ալեքսանտր Զասփիքինը եւ անոր հետ   քննարկեց  շրջանային   վերջին զարգացումները:  Միքաթի  ընդունեց  նախարար Ուայէլ Ապու Ֆաուրը, Լիբանանի մօտ ՄԱԿ-ի ընդհանուր  քարտուղարի   անձնական  պատուիրակ  Տերէք  Փլամլին: :

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button