Ցեղասպանութիւնը Ժխտելու Ջանքերը Այլեւս Համոզիչ Չեն. Թուրք Պատմաբան

Թուրք պատմաբան Քեմալ Քարփաթ յայտարարած է, որ Հայկական Ցեղասպանութիւնը ժխտելու թուրքերուն փորձերը այլեւս համոզիչ չեն. այս մասին կը հաղորդէ թրքական «Հապեր 7» լրատուական կայքը:
Կայքի լրագրողի այն նշումին, թէ Պալքանեան պատերազմներուն ընթացքին թուրքերու գաղթին մասին միայն թուրքերը կը խօսին, իսկ հայերու տեղահանութեանց մասին՝ ամբողջ աշխարհը, թուրք պատմաբանը պատմած է իրեն հետ պատահած հետեւեալ դէպքը. «Հայկական հարցին մէջ նոր միտում մը կը նկատուի: Ի՛նչ ըսենք-չըսենք, մէկ է՝ համոզիչ երեւիլ չենք կրնար: Քանի մը տարի առաջ «Նիւ Եորք Թայմզ» թերթի թղթակից Սթեֆան Քինզըրի հետ ճաշելու ընթացքին, խօսք եղաւ Հայկական Հարցին մասին: Ես անոր հարցուցի բրիտանական փաստաթուղթերուն մէջ հայերու թիւին վերաբերեալ տեղեկութիւններու մասին: Մինչ ես հարց կու տայի, Քինզըր անընդհատ կը ծիծաղէր՝ ինծի հասկցնելով, թէ ի՛նչ ալ ընեմ, ի՛նչ ալ խօսիմ, արդէն անիմաստ է»:
Նշենք, որ 88ամեայ թուրք յայտնի պատմաբան Քեմալ Քարփաթ բազմաթիւ յօդուածներ հրապարակած է օսմանեան շրջանի պատմութեան մասին: Ան իր կեանքին մեծ մասը անցուցած է արտասահմանի մէջ, իսկ այժմ հաստատուած է Միացեալ Նահանգներ:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button