«ԻՍԼԱՄԱՑԱԾ ՀԱՅԵՐ« ԳԻՏԱԺՈՂՈՎԸ 8 ՆՈՅԵՄԲԵՐԻՆ

0
31

Պոլսոյ մէջ, «Հրանդ Տինք» հիմնադրամին կողմէ կազմակերպուող «Իսլամացած Հայեր» գիտաժողովը, որ տեղի պիտի ունենար  11- 13 Հոկտեմբերին,  յետաձգուեցաւ եւ տեղի պիտի ունենայ  8- 10 Նոյեմբերին:
19-րդ դարու վերջաւորութեան եւ 20-րդ դարու սկիզբը Օսմանեան կայսրութեան մէջ քաղաքական եւ հասարակական փոփոխութեանց ժամանակաշրջան էր, երբ տեղի ունեցած են նաեւ անհատական եւ զանգուածային բռնի կրօնափոխութեան դէպքեր: Տարբեր ժամանակահատուածներու ընթացքին, տարբեր գործընթացներու հետեւանքով, մեծ թիւով հայեր իսլամացած են: Անոնց թիւը յատկապէս աճած է 1915-1916 տարիներուն:
Մինչեւ վերջերս, պատմութեան մէջ լուռ անտարբերութիւն կար իսլամացած հայերուն նկատմամբ, սակայն այդ մէկը որոշակիօրէն խախտած է վերջին տարիներուն հրապարակուած աշխատութիւններով:
Գիտաժողովին նպատակը իսլամացած հայերուն դիմագրաւած հարցերու, դժուարութիւններու եւ անոնց հետեւանքներու ըմբռնումն է, ինչպէս նաեւ՝ այդ լռութեան խախտման գործընթացի ուսումնասիրութիւնը: Գիտաժողովին ընթացքին կ՛ակնկալուի նաեւ անցեալի եւ ներկայի բռնութիւններու, խտրկանութեանց եւ անարդարութեանց շարք մը դէպքերու քննարկում:

LEAVE A REPLY

Please enter your comment!
Please enter your name here