ՉԵԼՍԻ ԵՒ ԵՈՒՆԱՅԹԸՏ ՅԱՂԹԱԿԱՆ

Անգլիոյ   «Գեփիթըլ Ուան Գափ» (նախկին՝ Լիկ Գափ)  մրցաշարքի    4-րդ  հանգրուանի մրցումներուն,  Ժոզէ Մուրինիոյի Չելսին, Էմիրէյց մարզադաշտին մէջ  2-0 արդիւնքով պարտութեան մատնեց տեղւոյն Արսենալը:  Սեզար Ազփիլիքութա եւ  Խուան Մաթա նշանակեցին « Կապոյտներ»ուն կոլերը:  Մրցումէն ետք,  Արսենալի   միջնապահ Մեսութ Օզիլ՝ Ժոզէ Մուրինիոյին նուիրեց   իր շապիկը:

 Չելսիի նման, Մանչեսթըր Եունայթըտ  նոյնպէս հասաւ   համանուն բաժակին  քառորդ աւարտական հանգրուանին, երբ  4-0 արդիւնքով  փառաւոր յաղթանակ մը տարաւ  Նորուիչ Սիթիի դէմ:  Խաւիյէ Հերնանտէզ(2), Ֆիլ Ճոնզ եւ  Ֆապիօ նշանակեցին «Կարմիր Սատանաներ»ուն կոլերը:

Ստորեւ, մնացեալ  հանդիպումներուն արդիւնքները:

 Ֆուլամ – Լեսթըր՝  3-4

Պըրնլի – Ուեսթ Համ  Եունայթըտ՝ 0-2

Սթոք Սիթի – Պիրմինկհամ Սիթի՝4-4 (Սթոք յաղթեց՝ փենալթի հարուածներու շնորհիւ):

ԱԹԱԼԱՆԹԱ  -ԻՆԹԷՐ՝ 1-1

Իտալիոյ   ֆութպոլի ախոյեանութեան  10-րդ հանգրուանի   մրցումներուն  գծով,  Ինթէր Միլան 1-1 արդիւնքով հաւասարութիւն մը արձանագրեց  Աթալանթայի դէմ,այս   վերջնոյն  դաշտին մէջ:  Ռիքարտօ Ալվարէս, 16-րդ  վայրկեանին յառաջ մղեց Միլանը, սակայն  ընդամէնը   ինը վայրկեան ետք՝ Հերման  Տենիս  հաւասարեցուց  հաշիւը:

Ինթէր Միլան  ներկայիս  19  կէտով կը գրաւէ  ընդհանուր դասաւորման   4-րդ դիրքը, Աթալանթա՝  8-րդ դիրքը:

ՄԱՐԹԻՆՕ  ՄՏԱՒ  ՊԱՐՉԵԼՈՆԱՅԻ ՊԱՏՄՈՒԹԵԱՆ  ՄԷՋ

  Սպանիոյ ֆութպոլի ախոյեանութեան  11-րդ  հանգրուանի մրցումներուն  գծով,   Պարչելոնա  3-0 արդիւնքով պարտութեան մատնեց  Չելթա Վիկօն՝ այս  վերջնոյն  դաշտին մէջ:  Ալեքսիս  Սանչէս,  Եոյէլ ( սեփական բերդին  մէջ)  եւ  Սեսք Ֆապրեկաս  նշանակեցին  Գաթալոնական խումբին  կոլերը:

Պարչելոնայի մարզիչ  Ճեռարտօ   Մարթինօ  հաստատեց ակումբային նոր  մրցանիշ: Արժանթինցի  Մարթինօ,  Պարչելոնայի պատմութեան առաջին մարզիչն է, որ  պարտութիւն չէ ճաշակած  մրցաշրջանի   մեկնարկային  16 խաղերուն:  Մարթինոյի  գլխաւորութեամբ գաթալոնական ակումբը   կատարած են  ախոյեանական 11  մրցում, 3 մրցում՝ «Չեմփինզ Լիկ»ի  գծով,  եւ 2  հանդիպում ՝ Սպանիոյ «Սուփըր Գափ» ծիրին մէջ:

Բացի այդ,   Մարթինոյի խումբը  Սպանիոյ  ֆութպոլի ախոյեանութիւնը սկսաւ  10  յաղթանակով  եւ մէկ հաւասարութեամբ, կրկնելով  նախապէս արձանագրած Պարչելոնայի եւ Ռէալ Մատրիտի   ցուցանիշները :

 

ՎԱՂԸ՝  ՀԻՆԳՇԱԲԹԻ  ԵՐԵԿՈՅԵԱՆ՝

 ՍՊԱՆԻԱ

Կրանատա –  Աթլեթիքօ   Մատրիտ ժամը՝  21.00

 Վիլառէալ –  Կեթաֆէ  Ժամը՝   21.00

 Աթլեթիք Պիլպաօ –  Էլչէ ժամը՝  23.00

Ռէալ Պեթիս – Լեվանթէ  ժամը՝  23.00

ԻՏԱԼԻԱ

Ռոմա –   Քիեւօ  ժամը՝   21.45

ՄԱՅԷՄԻ ՀԻԹ  ՅԱՂԹԱՆԱԿՈՎ  ՍԿՍԱՒ  ԷՆ.ՊԻ.ԷՅ-Ի ԱԽՈՅԵԱՆՈՒԹԻՒՆԸ

Միացեալ Նահանգներու մէջ սկսաւ  Էն.Պի.Էյ-ի ախոյեանութիւնը: Արդարեւ, անցեալ տարուան  տիտղոսակիր՝ Մայէմի Հիթի կազմը  107-95 արդիւնքով  պարտութեան մատնեց Շիքակօ Պուլզը:  Լոս Անճելըս  Լէյքըրզ՝   116-103 արդիւնքով պարտութեան մատնեց  Լոս Անճելըս  Գլիփըրզը:  Վնասուածքի   հետեւանքով   երկար  բացակայութենէ ետք,  Քոպի Պրայընթ առաջին մրցումը կատարեց Լէյքըրզի շապիկով:  Իսկ Իտիանա Փէյսըրզ՝  97-87 արդիւնքով պարտութեան մասեց Օրլանտօ Մեճիքը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button