ԻՊՐԱՀԻՄԻ ԴԱՄԱՍԿՈՍԻ ՄԷՋ ՏԵՍԱԿՑԵՑԱՒ ՆԱԽԱԳԱՀ ԱՍԱՏԻ ԵՒ ԱՅԼ ԽՄԲԱՒՈՐՈՒՄՆԵՐՈՒ ՀԵՏ

0
28

Սուրիոյ  հակամարտութիւնը կարգաւորելու  ՄԱԿ-ի եւ Արաբական Լիկայի պատուիրակ Լախտար Իպրահիմի    երէկ առաւօտեան   հանդիպում մը ունեցաւ  նախագահ Պաշշար Ասատի հետ: Անոնք   համաձայնեցան  բազմապատկել  «Ժընեւ -2»   խորհրդաժողովը շուտափոյթ  կայացնելու եւ Սուրիոյ ապագային վերաբերեալ  ընդհանուր պատկերացում մը  գոյացնելու  ճիգերը: Նախագահ Ասատ  յայտնեց, թէ  քաղաքական  որեւէ լուծում  կախեալ է ահաբեկչական  կազմակերպութիւններուն  օժանդակութիւնները  դադրեցնելու եւ անոնց մուտքը  Սուրիա արգիլելու պայմանէն : Իպրահիմի  շարունակեց  քաղաքական տարբեր հոսանքներու ներկայացուցիչներու  հետ իր   հանդիպումները:

Սուրիոյ  ընդդիմադիր՝ Ազգային Համագործակցութեան Խորհուրդը  Լախտար Իպրահիմիին փոխանցեց  «Ժընեւ -2» խորհրդաժողովին մասնակցելիք իր պատուիրակութեան   կազմը: Սուրիոյ  փաստաբաններու  միութեան նախագահ Նազար Աքիֆ յայտնեց ,թէ    նախագահ  Պաշշար Ասատի համաներման որոշումը  ռազմավարական    նշանակալից  ազդեցութիւն պիտի ունենայ  հակամարտութեան  ընթացքին վրայ:   Նշենք, թէ նախագահ Պաշշար  Ասատ   համընդհանուր ներում յայտարարեց:  Համաներման  մէջ   տեղ գտած են  29 Հոկտեմբեր 2013-էն առաջ  գործուած  բոլոր  ոճիրները, պայմանաւ որ սուրիական  հողերու վրայ  օրէնքէ խոյս տուող  յանցագործները  իրենց առջեւ   երեսուն  օր  պայմանաժամ ունին անձնատուր  դառնալուիշխանութիւններուն, որպէսզի   օգտուին  ներումէն, իսկ արտասահման  գտնուողները՝  90 :

Միւս  կողմէ, արեւմտեան մամուլը Սուրիոյ  փոխվարչապետին պաշտօնազրկումը մեկնաբանեց իբրեւ նախագահ Պաշշար Ասատի կողմէ  դիրքերու կարծրացում մը    «Ժընեւ -2» խորհրդաժողովի նախօրէին:

Էքուատորի նախագահ Ռաֆայէլ Քորիա  դրուատեց  Սուրիոյ  հակամարտութեան վերաբերեալ  նախագահ Վլատիմիր Փութինի  վճռական կեցուածքը: Քորիա  նշեց, թէ  շնորհիւ Փութինի կեցուածքին,Սուրիա   ձերբազատած էր  ռազմական  արտաքին   միջամտութեան սպառնալիքէն:

Լրատուական  հաւաստի աղբիւրներ  հաղորդեցին, թէ  Սուրիոյ ծայրայեղականները քիմիական զէնք օգտագործած են  քիւրտերու դէմ , երկրին   հիւսիսային շրջաններուն  մէջ  տեղի ունեցող բախումներուն  ընթացքին:

Բանակը  Տէր Զորի մէջ  սպաննեց շրջանին մէջ կռուող  Ճեպհէթ Ալ Նուսրայի  զինեալներուն  ղեկավարը:

LEAVE A REPLY

Please enter your comment!
Please enter your name here