ԸՍՏ ՀՐԱՆՈՅՇ ՅԱԿՈԲԵԱՆԻ՝ ՍՈՒՐԻԱՀԱՅԵՐՈՒ ՀՈՍՔԸ ՎԵՐՍԿՍԱԾ Է ԴԷՊԻ ՀԱՅԱՍՏԱՆ

ՀՀ սփիւռքի նախարար Հրանոյշ Յակոբեան յայտարարեց, թէ  որոշ դադարէ մը ետք սուրիահայերու  հոսքը վերսկսած է դէպի  Հայաստան:

Անոր պարզաբանումով` այս  երեւոյթը  կապուած է Պէյրութ-Երեւան օդային թռիչքներու վերսկսումով, ինչպէս նաեւ Հալէպէն Լիբանան  երթեւեկութեան   վերականգնման հետ:

 Նախարարին համաձայն՝ շաբաթական Հայաստան կը ժամանեն մօտ 200 սուրիահայեր, անոնց թիւը ներկայիս կը  գերազանցէ 10 հազարը:

Ըստ Հ. Յակոբեանի` Հայաստան ժամանած սուրիահայերէն քիչերը կը տեղափոխուին այլ երկիր, շատերը Հայաստանը կը նախընտրեն Լիբանանէն այն պատճառով, որ այստեղ ձրի կրթութիւն ստանալու հնարաւորութիւն ունին եւ կը  վայելեն պետութեան աջակցութիւնը։

Հ. Յակոբեան յայտնեց, թէ Սփիւռքի  կարգ մը հայկական բարեգործական կազմակերպութիւններ («Կիւլպենկեան« ֆոնտը, Հայ Բարեգործական Ընդհանուր Միութիւնը), Աւստրիայի դեսպանութիւնը, Ռուսաստանի կառավարութիւնը, “Գարիթաս” հիմնադրամը օգնութեան ծրագիրներ կ’իրականացնեն Հայաստանի մէջ:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button