ՀԱՅԱՍՏԱՆԻ ՊԱՇՏՊԱՆՈՒԹԵԱՆ ՊԻՒՏՃԷՆ 6 ԱՌ ՀԱՐԻՒՐԻ ԱՃ ՄԸ ՊԻՏԻ ԱՐՁԱՆԱԳՐԷ 2014-ԻՆ

Պաշտպանութեան նախարարութեան պիւտճէական յատկացումները այս տարի՝ 2013-ին հետ բաղդատելով, պիտի աւելնան շուրջ վեց տոկոսով: Ազգային ժողովին մէջ լրագրողներուն հետ ունեցած զրոյցին ընթացքին այս մասին յայտնեց  Հայաստանի պաշտպանութեան նախարար Սէյրան Օհանեանը՝ անդրադառնալով 2014-ի պետական պիւտճէի նախագիծով նախարարութեան համար նախատեսուած յատկացումներուն: «Դրանք առաջին հերթին ուղղուած են լինելու սպայական անձնակազմի աշխատավարձերի բարձրացմանը: Բացի այդ, մենք լուծելու ենք Զինուած ուժերի առջեւ դրուած գերակայ խնդիրները. դրանք են սպառազինութեան եւ ռազմական տեխնիկայի եւ այլ նիւթական միջոցների բալերաւումը, կապիտալ ծախսերի աւելացումը, նաեւ միջազգային եւ ազգային երաշխիքների ուղղութեամբ համապատասխան յատկացումները», նշեց  նախարարը՝ աւելցնելով, որ որոշ յատկացումներ պիտի կատարուին՝ 2014-ին ակնկալուող գնաճին առնչուող խնդիրներու լուծման:
Սէյրան Օհանեան ընդգծեց, որ այս յատկացումները պիտի օգնեն, որ առկայ խնդիրները գոնէ միջին չափով դասաւորուին: Պաշտպանութեան նախարարը աւելցուց, որ փափաքելի պիտի ըլլար, որ պաշտպանութեան տրամադրուող միջոցները աւելի շատ ըլլային՝ շեշտելով, որ Հայաստան իր բացը կ՛ամբողջացնէ նաեւ երկկողմանի եւ բազմակողմանի ռազմական արհեստագիտութեան եւ ռազմավարական համագործակցութեան շնորհիւ:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button