ԹՈՒՐՔԻՈՅ ԳԱՂՏՆԻ ՍՊԱՍԱՐԿՈՒԹԵԱՆ ՊԻՒՏՃԷՆ ԿԸ ԿՐԿՆԱՊԱՏԿՈՒԻ

0
9

Թուրքիոյ գաղտնի սպասարկութեան՝ ՄԻԹի, յատկացուող գումարը, որ տարուէ տարի նկատառելի կերպով կ՛աճի, 2014-ին պիտի հասնի 1.1 միլառ լիրայի (մօտաւորապէս 550 միլիոն տոլար): Թրքական «Ինթըրնեթհապեր» կայքէջը կը հաղորդէ, որ սպասարկութեան ղեկավար Հաքան Ֆիտանի պաշտօնավարութեան առաջին տարուան՝ 2010ի, ամավարկը 523 միլիոն լիրա էր, ապա 2011-ին, անիկա բարձրացած է 665 միլիոնի, 2012ին՝ 751 միլիոնի ու 2013ին՝ 995 միլիոնի: Կը նշուի, որ ծախսերու նման աճ մը պայմանաւորուած է արհեստագիտական զարգացումներով: Նաեւ, կը նախատեսուի, որ ՄԻԹի եւ Թուրքիոյ զինեալ ուժերու համատեղ օգտագործման համար ձեռք բերուի հետախուզական նաւ մը, որ տուեալներ պիտի հաւաքէ թէ՛ ծովուն մէջ եւ թէ ցամաքէն: Նշեալ նաւէն ցարդ ունին չորս երկիրներ՝ Միացեալ Նահանգներ, Ռուսիա, Գերմանիա եւ Իսրայէլ:

 

LEAVE A REPLY

Please enter your comment!
Please enter your name here