ԸՍՏ «ՖՈՐՊԶ»Ի՝ ՎԼԱՏԻՄԻՐ ՓՈՒԹԻՆ ԱՇԽԱՐՀԻ ԱՄԵՆԱԱԶԴԵՑԻԿ ԱՆՁԸ

0
27

Ռուսիոյ նախագահ Վլատիմիր Փութին գլխաւորեց  «Ֆորպզ» ամսաթերթի այս տարուան աշխարհի ամենաազդեցիկ անձերու ցանկը՝ իր ետին ձգելով նախորդ տարուան «ամենաազդեցիկը»՝ Միացեալ Նահանգներու նախագահ Պարաք Օպաման:
Փութին ամենաբարձր վարկանիշը ապահովեց, որովհետեւ շատ յաճախ իր ուժը ցուցադրած է իր երկիրին մէջ եւ համաշխարհային բեմի վրայ: Իբրեւ օրինակ կը յիշուին ամերիկեան գաղտնի սպասարկութեանց համար վերլուծական աշխատանք կատարած Էտուըրտ Սնոտընին ապաստանեալի իրաւունք շնորհելու որոշումը եւ Սուրիոյ տագնապին կապակցութեամբ անոր վճռական քայլերը:
Ցանկին վրայ երկրորդ դիրքը կը գրաւէ Օպաման, իսկ երրորդ տեղը՝ Չինաստանի նախագահ Շի Ժինփինկ:
Չորրորդէն վեցերորդ տեղերը յաջորդաբար կը գրաւեն՝ Ֆրանսիսկոս Ա. Պապը, Գերմանիոյ վարչապետ Անկելա Մերքէլը եւ «Մայքրոսոֆթ»ի հիմնադիր Պիլ Կէյցը: ՍէուտականԱրաբիոյ Ապտալլա Պըն Ապտէլ Ազիզ  վեհապետը կու գայ ութերորդ դիրքի վրայ:
Վերջերս Անտրէյ Սորեսքու «Հաֆինկթըն Փոսթ»ին մէջ գրած էր, թէ այս տարուան ընթացքին Փութինի իրագործումները այնքա՛ն շատ էին, որ անոր անունը կը յիշատակուէր նոյնիսկ Նոպէլեան Խաղաղութեան մրցանակի թեկնածուներու կարգին։ «Ներկայիս Փութին կը գտնուի համաշխարհային դիւանագիտութեան բարձունքի վրայ է, մինչդեռ քանի մը ամիս առաջ կացութիւնը տարբեր էր: Ամէն ինչ փոխուեցաւ Օգոստոսին, Դամասկոսի մէկ արուարձանին մէջ քիմիական զէնքի գործածութենէն ետք։ Երբ Միացեալ Նահանգներ, Բրիտանիա եւ Ֆրանսա կը պատրաստուէին Սուրիոյ դէմ պատերազմ հռչակելու, Փութին զանոնք զրկեց այդ կարելիութենէն՝ առաջարկելով ոչնչացնել սուրիացիներու քիմիական զինանոցը։ Անսպասելի այս հանճարեղ մտայղացումը գործադրուեցաւ մեծ հմտութեամբ։

 

LEAVE A REPLY

Please enter your comment!
Please enter your name here