ՌՈՆԱԼՏՕ ԵՒ ՊԷՅԼ ՅԱՂԹԱՆԱԿ ՊԱՐԳԵՒԵՑԻՆ ՌԷԱԼԻՆ

0
14

Սպանիոյ ֆութպոլի ախոյեանութեան 11-րդ  հանգրուանի մրցումներուն գծով,  Ռէալ Մատրիտ, սեփական  դաշտին  մէջ  7-3 արդիւնքով  պարտութեան մատնեց  Սեւիլիան:  Քրիսթիանօ Ռոնալտօ (3),  Կարէթ Պէյլ(2), Քարիմ Պենզեմա(2) դարձան մայրաքաղաքի  խումբին յաղթանակի  կերտիչները:   Ռոնալտօ՝ 11-ի բարձրացուց  սոյն եղանակին նշանակած կոլերուն քանակը:  Ներկայիս  Ռէալ Մատրիտ ունի  25 կէտ: Պարչելոնա՝  31:

ԵՈՒՎԵՆԹՈՒՍ  ԵՒ ՆԱՓՈԼԻ   ՅԱՂԹԵՑԻՆ

 Իտալիոյ  ֆութպոլի ախոյեանութեան  10-րդ  հանգրուանի մրցումներուն,  գործող ախոյեան Եուվենթուսի կազմը   4-0 արդիւնքով պարտութեան մատնեց Գաթանիան:  Արթուրօ  Վիտալ, Անտրէա  Փիրլօ, Գարլոս Թեվէզ եւ  Լէոնարտօ  Փոնուչի  նշանակեցին Իտալիոյ ախոյեաններուն կոլերը:  Նափոլի՝ 2-1 արդիւնքով պարտութեան  մատնեց Ֆիորենթինան,այս վերջնոյն  դաշտին մէջ:   Խոսէ  Գալյէխոն եւ  Տրիս  Մերթէնզ  նշանակեցին  Նափոլիի կոլերը, Ռոսի՝ Ֆիորենթինայի:  Ա.Սէ. Միլան սեփական դաշտին մէջ  1-1 արդիւնքով հաւասարութեամբ մը  գոհացաւ Լացիոյ դէմ  ճակատումին:

 ՍԻԹԻ  ԵՒ  ՍՓԸՐԶ  ՅԱՂԹԵՑԻՆ

Մանչեսթըր Սիթի եւ Թոթենհամ Հոթսփըրզ հասան Անգլիոյ  «Գեփիթըլ Ուան  Գափ»ի (նախկին Լիկ Գափ-ը)  քառորդ աւարտականին:  Ալվարօ Նեկրետօ եւ Էտին Զեքօ  նշանակեցին  Նիուքասլ Եունայթըտի դէմ  Սիթիի արձանագրած 2-0 յաղթանակին կոլերը, մինչ  Թոթենհամ՝ փենալթի  հարուածներու շնորհիւ 8-7 արդիւնքով պարտութեան  մատնեց Հոլ Սիթին:  Հանդիպումը, յետ երկարաձգումի  վերջ գտած էր  2-2  հաւասարութեամբ:

Ստորեւ  քառորդ աւարտականի   մրցումներուն յայտագիրը.

 Լեսթըր Սիթի  –  Մանչեսթըր Սիթի

Սթոք Սիթի  – Մանչեսթըր Եունայթըտ

 Սանտերլանտ կամ Սաութեմթըն  – Չելսի

Թոթենհամ  – Ուեսթ  Համ Եունայթըտ

Վերոյիշեալ հանդիպումները  պիտի կայանան 16  Դեկտեմբերէն սկսեալ:

ՈՒՐԲԱԹ ԵՐԵԿՈՅԵԱՆ ԵՒՐՈՊԱՅԻ ԱԶԳԱՅԻՆ ԱԽՈՅԵԱՆՈՒԹԻՒՆՆԵՐՈՒ  ԳԾՈՎ  ՏԵՂԻ ՈՒՆԵՆԱԼԻՔ ՀԱՆԴԻՊՈՒՄՆԵՐ

ՍՊԱՆԻԱ

Պարչելոնա –  Էսփանիոլ   ժամը՝  22.00

ԳԵՐՄԱՆԻԱ

Պորուսիա Տորթմունտ –  Շթութկարթ  ժամը՝   21.30

ՖՐԱՆՍԱ

 Փարի Սէն Ժերմէն –  Լօրիան   ժամը՝ 21.30

LEAVE A REPLY

Please enter your comment!
Please enter your name here