ԿԱՌԱՎԱՐՈՒԹԵԱՆ ԿԱԶՄՈՒԹԻՒՆԸ ԵՒ ԹՐԻՓՈԼԻԻ ԶԱՐԳԱՑՈՒՄՆԵՐԸ ԱՄԵՆԱՀՐԱՏԱՊ ԹՂԹԱԾՐԱՐՆԵՐԸ

0
14

 Նոր կառավարութեան  կազմութիւնը եւ  Թրիփոլիի  զարգացումները կը մնան  ամենատիրական օրակարգերը: Հանրապետութեան նախագահ Միշէլ Սըլէյման  պատրաստակամութիւն յայտնեց  ընդունելու   որեւէ տարազով կառավարութիւն, այնքան  ժամանակ որ անիկա կը  վայելէ լիբանանցիներու  մեծամասնութեան  հաւանութիւնը:  Նախագահ ը  ընդգծեց, թէ   երկիրը  խիստ անհրաժեշտութիւնը ունի նոր կառավարութեան: Գալով նոր  կառավարութիւն կազմելու զարգացումներուն,  նախկին վարչապետ Սաատ Հարիրի  յայտարարեց, թէ  Հըզպալլա՝ Պաապտայի Յայտարարութեան յանձնառու  ըլլալու պարագային, կրնայ մաս կազմել կառավարութեան:   Նախագահ Սըլէյման  ընդունեց  Սայտան ներկայացնող պատուիրակութիւն մը   Ֆուատ Սինիորայի,  Պահիա  Հարիրիի   ընկերակցութեամբ, ԵՈՒՆԻՍԷՖ-ի  վարչական տնօրէն Անթոնի Լէյքը  եւ այլ այցելուներ:

Վարչապետի պաշտօնակատար  Նեժիպ Միքաթի  յայտարարեց, թէ առանձնապէս որեւէ պատճառ չի տեսներ,  փոփոխութեան ենթարկելու նաւթի թղթածրարին համար    կառավարութեան նիստ չհրաւիրելու իր   կեցուածքը:  Միքաթի նշեց, թէ  այս  հարցին վերաբերեալ մնայուն  կերպով կը  խորհրդակցի   հանրապետութեան նախագահին հետ:  Միքաթի ընդունեց նախարարներ  Նիքոլա Նահասը,  Ահմէտ  Քարամէն, ԵՈՒՆԻՍԷՖ-ի վարչական տնօրէն Անթոնի Լէյքը եւ այլ անձնաւորութիւններ:

Օրուան ընթացքին  ընդհատուած բախումներ  տեղի ունեցան Պապ Թըպէնիյի եւ  Ժապալ Մուհսէնի   միջեւ, որուն  ընթացքին  օգտագործուեցան տարբեր տեսակի  զէնքեր: Բախումներու ընթացքին    մահացաւ անձ մը:  Երեք վիրաւորներ փոխադրուեցան  հիւանդանոց:

Լիբանանեան բանակի ընդհանուր հրամանատար զօրավար  Ժան Քահուաճի  կողմերը  զգուշացուց՝  անտեղի արկածախնդրութիւններէն: Քահուաճի   յայտնեց, թէ  բանակին դէմ արկածախնդրութիւնը շատ սուղ պիտի արժէ խաղ  փորձողներուն:  Ներքին գործոց նախարարի պաշտօնակատար  Մարուան Շարպէլ   ըսաւ, թէ կառավարութիւնը  ետդարձ պիտի չկատարէ  Թրիփոլիի ապահովական ծրագիրէն եւ  բանակը  հետամուտ  պիտի ըլլայ ապահովական  ծրագիրին գործադրութեան: ՄԱԿ-ի ընդհանուր քարտուղարի  անձնական ներկայացուցիչ Տերէք Փլամլի այցելեց Թրիփոլիի եւ հիւսիսային Լիբանանի միւֆթի Մելիք Շաարին  եւ անոր փոխանցեց ՄԱԿ-ի մտահոգութիւնը՝  Թրիփոլիի զարգացութմներուն առնչութեամբ:

 

LEAVE A REPLY

Please enter your comment!
Please enter your name here