ԻՍՐԱՅԷԼԱՊԱՂԵՍՏԻՆԵԱՆ ՆՈՐ ԲԱԽՈՒՄՆԵՐ ԿԱԶԱՅԻ ՄԷՋ

Վերջին օրերուն   ապահովական մտահոգիչ  միջադէպեր   տեղի կ’ունենան Իսրայէլապաղեստինեան  սահմանագիծերուն վրայ: Արդարեւ, Հինգշաբթի ուշ  երեկոյեան, բախումի մը  ընթացքին  վիրաւորուեցան  իսրայէլացի  հինգ  բանակայիններ: Իսրայէլեան բանակը  անմիջապէս մուտք  գործեց   Կազայի  կարգ մը  շրջաններ եւ  ձերբակալեց  տասնմէկ  անձեր: Փոխհրաձգութեան  հետեւանքով   սպաննուեցան  չորս պաղեստինցիներ: Բանակը  միաժամանակ  վեց պաղեստինցիներ ձերբակալեց  Արեւմտեան Ափի մէջ:

Միւս կողմէ,  ելեկտրականութեան մատակարարումը ամբողջութեամբ դադրեցաւ  Կազայի  լայն  շրջաններու մէջ՝  վառելանիւթը սպառելու պատճառով: Համասի   գլխաւորած  կառավարութեան ուժանիւթի նախարար  Ֆաթհի Շէյխ Խալիլ  դիմեց միջազգային  ընտանիքին  միջամտութեան:

Բանակցութիւններու   գետնի վրայ  Պաղեստինեան  Իշխանութեան  նախագահ Մահմուտ Ապպաս  դատապարտեց  Արեւելեան Երուսաղէմի մէջ   բնակութեան  միաւորներ կառուցելու   իսրայէլեան  կառավարութեան  ծրագիրները: Ներկայիս աւելի յստակ կը դառնայ, որ իսրայէլեան կառավարութիւնը մտադրած է  5000  բնակութեան միաւոր կառուցել: Նախապէս կը խօսուէր  1500-ի մասին:  Ապպաս,  յայտնեց, թէ  պաղեստինցիները անպատասխան  պիտի  չձգեն  իսրայէլեան այս որոշումը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button