ՀԱՅ ԼՈՒՍԱՆԿԱՐԻՉՆԵՐՈՒ ՑՈՒՑԱՀԱՆԴԷՍ ԹՈՒՐՔԻՈՅ ՄԷՋ

Թուրքիոյ  Ամասիա  նահանգի Մերզիֆոն  շրջանին մէջ   բացուեցաւ  Տիլտիլեան  եղբայրներու  լուսանկարներու  ցուցահանդէսը:

Թրքական «Պուկիւն» լրատուական  կայքը կը  յայտնէ, թէ Մարիցա Մետաքսեանը, որ  լուսանկարիչներ  Զոլակ եւ Արամ  Տիլտիլեան  եղբայրներուն զարմուհին է,  ընտանիքի յաջորդ  սերունդներուն պատմած է   եղբայրներուն եւ անոնց մօր՝  Հայկանոյշի  յուշերը:

Արմէն Ցոլակ Մեսրոպեանը,  որ Տիլտիլեան  ընտանիքի  երրորդ   սերունդի  ներկայացուցիչներէն   է, ի մի բերելով   եղբայրներուն՝  1872-1923 թուականի  ընթացքին   վերցուցած  լուսանկարները, առաջին ցուցահանդէսը  կազմակերպած է այս տարուան Ապրիլ ամսուան ընթացքին, Իսթանպուլի մէջ:

Ցուցահանդէսը  վերջերս  տեղափոխուած է   լուսանկարիչ   եղբայրներու   հայրենիք՝ Մերզիֆոն:  Ցուցահանդէսի  բացման արարողութեան ներկայ   գտնուեցան Մերզիֆոնի  քաղաքապետը, իշխող  Արդարութիւն եւ Բարգաւաճում կուսակութեան ներկայացուցիչ Իսքենտէր  Տողրուն: Ցուցահանդէսին ներկայացուած է   ընտանեկան հաւաքածոյէն  շուրջ 600  լուսանկար, որոնք  կը ներկայացնեն  Սըվազը,  Մերզիֆոնը,  Սամսոնը,  Քոնիան եւ Ամասիան:

Արմէն Ցոլակ  Մեսրոպեան   բացման  արարողութեան   ընթացքին յայտնեց, թէ ուրախ էր   իր   ընտանիքին պատկանող  լուսանկարները հայրենի  հողին վրայ  ցուցադրելու համար:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button