ՄՈՍԿՈՒԱ՝ «ԺԸՆԵՒ -2» ԽՈՐՀՐԴԱԺՈՂՈՎԸ ՁԱԽՈՂՈՒԹԵԱՆ ՄԱՏՆԵԼՈՒ ՓՈՐՁԵՐԸ ԱՆԸՆԴՈՒՆԵԼԻ ԵՆ

0
43

Ռուսիոյ  ազգային անվտանգութեան խորհուրդը զգուշացուց բոլոր այն  պետութիւնները եւ   հոսանքները որոնք  կը փորձեն  խանգարել «Ժընեւ -2» խորհրդաժողովին  գործընթացը:  Ազգային անվտանգութեան խորհուրդի կողմէ լոյս  ընծայուած  հաղորդագրութիւն մը անընդունելի նկատեց   «Ժենեւ -2»ն  ձախողութեան մատնելու  փորձերը: Ռուսիոյ  վարչապետ  Տիմիրթի  Մետվետեւ   անընդունելի նկատեց  «Ժընեւ-2» խորհրդաժողովին մասնակցելու համար , իշխանութենէն  հեռանալու՝ նախագահ Պաշշար Ասատի  մասին ընդդիմութեան նախապայմանը  

Երէկ առաւօտեան,  նախքան  Լիբանան  իր  մեկնումը, Սուրիոյ մօտ ՄԱԿ-ի եւ Արաբական Լիկայի  պատուիրակ  Լախտար  Իպրահիմի  յայտարարեց, թէ «Ժընեւ -2» խորհրդաժողովը պիտի   ըլլայ «Ժընեւ 1»ին  շարունակութիւնը: Ան  խիստ   կարեւոր նկատեց    ընդդիմութեան մասնակցութիւնը  սոյն խորհրդաժողովին,  ընդգծելով որ « Ժընեւ-2»ն  պիտի  դառնայ  տագնապէն դուրս գալու  ազդանշանը: Իպրահիմի  աւելցուց, թէ  ընդդիմութիւնը  մերժելու պարագային,  կրնայ տեղի չունենալ «Ժընեւ -2»ն:   Ան   նկատել տուաւ, որ  Սուրիոյ  ընդդիմութեան  մէջ  ներկայացուցչութեան   վէճեր  տեղի կ’ունենան ներկայիս:ՄԱԿ-ի  բանագնացը   շեշտեց, թէ խորհրդաժողովներուն   նպատակը   սուրիացիներու միջեւ  երկխօսութեան  գիծեր  ստեղծել  պիտի  ըլլայ: Իպրահիմի պահանջեց  կասեցնել   զէնքի մուտքը Սուրիա:

Միացեալ Նահանգներու պետական քարտուղար Ճոն Քերրի  յայտարարեց, թէ  քիմիական  զէնքերու  չէզոքացումը չի նշանակեր, թէ  վերջ  գտած է Սուրիոյ հակամարտութիւնը:

Յատկանշական  զարգացումի մը մէջ, Անգարա հրահանգեց փակել  իր  հողերուն  վրայ գործող սէուտական  հետախուզութեան գրասենեակները:  Բրիտանական « Տէյլի  Թելեկրաֆ»  օրաթերթը կը գրէ, թէ Ալ Քայիտայի  զինեալներ  Թուրքիոյ ճանապարհով կ’անցնին Սուրիա:  Օրաթերթը՝ տասը  հազար կը գնահատէ աշխարհի տարբեր  շրջաններէն  Սուրիա  խուժած  զինեալներուն թիւը:

Ռազմական  գետնի վրայ,  քրտական կազմակերպութիւններ  հետզհետէ  իրենց    հակակշիռին տակ կը   վերցնեն  հիւսիսային Սուրիոյ մէջ Ալ Քայիտայի կողմէ   գրաւուած  շրջաններ:

LEAVE A REPLY

Please enter your comment!
Please enter your name here