ԿԵՆՍԱԹՈՇԱԿՆԵՐԸ 13 ԱՌ ՀԱՐԻՒՐ ՊԻՏԻ ԲԱՐՁՐԱՆԱՆ ՀԱՅԱՍՏԱՆԻ ՄԷՋ

2014ին Հայաստանի մէջ աշխատանքային կենսաթոշակը պիտի աճի՝ հասնելով 36 հազար դրամի: Այս մասին, Ազգային ժողովի նիստին 2014ի պետական պիւտճէի քննարկումներուն ընթացքին նշեց  ելեւմուտքի փոխնախարար Պաւել Սաֆարեանը:
Փոխնախարարին համաձայն,  1 Յունուար 2014-էն սկսեալ  կենսաթոշակները 15 տոկոսով աւելցնելու կառավարութեան մտադրութեան գծով, միջին աշխատանքային կենսաթոշակը պիտի աւելնայ՝ 31.3 հազար դրամէն հասնելով 36 հազարի: Միաժամանակ պիտի աւելնայ հիմնական հատուածը (13 հազար դրամէն դառնալով 14 հազար), այնպէս ալ այլ հանգամանքներով պայմանաւորուած յաւելումները (մէկ տարուան համար 450 դրամէն հասնելով 540 դրամի):
Աշխատանքային կենսաթոշակի ընդհանուր ծախսերը 2014-ին պիտի աւելնան 16.8 տոկոսով: Փոխնախարարը նշեց, որ ատիկա կապուած է ինչպէս կենսաթոշակներու, այնպէս ալ այս տարի թոշակառուներու թիւի աճին հետ (445 հազարէն եղած են 452 հազար):
Ընկերային կենսաթոշակներու վճարումները պիտի կազմեն 10 միլիառ 938 միլիոն դրամ կամ 10.9 տոկոսով աւելի այս տարուան ցուցանիշէն:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button