ԵԱՀԿ-Ի ՄԻՆՍՔԻ ԽՈՒՄԲԻ ՀԱՄԱՆԱԽԱԳԱՀՆԵՐԸ 4 ՆՈՅԵՄԲԵՐԻՆ ՊԻՏԻ ԺԱՄԱՆԵՆ ՀԱՅԱՍՏԱՆ

0
46

Հայաստանի արտաքին գործոց նախարարութեան մամլոյ քարտուղար Տիգրան Բալայեան յայտարարեց, թէ ԵԱՀԿ Մինսքի խմբակի համանախագահները  Երկուշաբթի,  4 Նոյեմբերին պիտի ժամանեն Երեւան:
Ըստ ատրպէյճանական լրատուամիջոցներու՝ միջնորդները Պաքու պիտի այցելեն  3 Նոյեմբերին: Տակաւին յստակ չէ, թէ համանախագահները Լեռնային Ղարաբաղ պիտի այցելե՞ն, թէ ոչ:
Միւս կողմէ, «Թուրան» գործակալութեան հետ հարցազրոյցի մը ընթացքին, ամերիկացի համանախագահ Ճէյմս Ուորլիք քորհուրդ տուած է «իրապաշտօրէն նայիլ ապագային»: Այժմ պէտք է գործնական քայլերու ձեռնարկել՝ լայնածաւալ բանակցութիւններ սկսելու եւ որոշումներու հասնելու համար», ըսած է ան:
Ամերիկացի համանախագահին համաձայն՝ Լեռնային Ղարաբաղի ներկայ իրավիճակը «վտանգաւոր է»: «Հայաստանն ու Ատրպէյճանը կը շարունակեն սպառազինութիւն ձեռք բերել, բայց պէտք է նկատել, որ իրադարձութիւնները կրնան զարգանալ նաեւ տրամագծօրէն հակառակ՝ «հայելային» ուղղութեամբ, եթէ, ի հարկէ, հակամարտող պետութիւններու ղեկավարները ընտրեն խաղաղ կարգաւորման տարբերակը ու Մինսկի խմբակի ձեւաչափը», եզրակացուցած է Ուորլիք:

LEAVE A REPLY

Please enter your comment!
Please enter your name here