ԷՐՏՈՂԱՆ ՄԱՐԴԿԱՅԻՆ ԻՐԱՒՈՒՆՔՆԵՐԷ ԿԸ ՃԱՌԷ

0
26

Թուրքիոյ վարչապետ Ռեճէպ Թայիփ Էրտողան անդրադարձած է եկեղեցաշինութեան վերաբերեալ Ազգայնական Շարժում կուսակցութեան ղեկավար Տեւլէթ Պահչելիի կատարած քննադատութիւններուն: Թրքական «Միլլիյէթ» օրաթերթը կը հաղորդէ, որ Էրտողան յայտարարած է, թէ պէտք է յարգել Թուրքիա բնակող թէ՛ քրիստոնեայ հայերուն եւ թէ անհաւատներուն իրաւունքները:
Էրտողան Վանի մէջ յայտարարած է. «Մէկը կ՛ըսէ՝ «մզկիթ պիտի քանդես», միւսը կ՛ըսէ՝ «ժողովուրդի տուրքերով Աղթամարի եկեղեցին կը վերանորոգես: Երբ ես ըսի, որ անհրաժեշտութեան պարագային՝ մզկիթ ալ պիտի քանդենք, ըսի նաեւ, որ ատոր փոխարէն, ատոր մօտ աւելի լաւը պիտի կառուցենք: Ինչ կը վերաբերի Աղթամարի եկեղեցիին, ապա այստեղ հայ քաղաքացիներ ալ կան, չէ՞. անոնց իրաւունքներն ալ պէտք է պաշտպանուին, չէ՞: Մեր երկիրին մէջ առեւտուրով զբաղող հայերը տուրք չե՞ն վճարեր: Անոնց կրօնական իրաւունքներն ալ պէտք է յարգուին, պաշտամունք կատարելու կարելիութիւն պէտք է ունենան եւ ատիկա մեր պարտքն է»:

Նշենք, թէ  վաղը՝   Կիրակի, Թուրքիոյ ալաուիները  քաղաքացիական հաւասար  իրաւունքներ  վայելելու   բողոքի     հաւաք  մը պիտի  կազմակերպեն, Իսթանպուլի մէջ:

 

LEAVE A REPLY

Please enter your comment!
Please enter your name here