ԼԻԲԱՆԱՆԵԱՆ ԿԱՐՃ ԼՈՒՐԵՐ

–          Պեքաայի մէջ  «առեւանգուած»  երկու  գերմանացիները  ազատ արձակուեցան:  Սակայն անոնց ազատ արձակման  մասին կը  շրջին հակասական տեղեկութիւններ: Լրատուական կարգ մը աղբիւներ կը  հաղորդեն, թէ   ենթակաները  հարցաքննութեան  ենթարկուած են  ներքին ապահովութեան  ուժեր կողմէ՝  թմրանիւթերու  առեւտուրով զբաղելու  կասկածով : Ուրիշներ կը  յայտնեն, թէ   առեւանգող կողմը պահանջած  գումարը ստանալէ ետք, ազատ արձակած է զանոնք:  Երրորդ   տարբերակ մըն ալ կը  հաղորդէ, թէ  բանակը գտած է անոնց  առեւանգման վայրը եւ  զինեալ  բախումներէ ետք   յաջողած  է ազատել զանոնք: Բախումներու ընթացքին  զոհուած է բանակի միաւոր  մը…

–         Ներքին գործոց  նախարար Մարուան Շարպէլ  նշեց, թէ   գործնապէս՝ Ճեպհէթ Ալ Նուսրա կամ Տաաշ անուններու տակ գործող կազմակերպութիւններ  գոյութիւն չունին  Լիբանանի մէջ, սակայն Սուրիոյ հակամարտութեան   երկարաձգումը, ինչպվէս նաեւ Լիբանանի մէջ  զայն   ընդլայնելու  ճիգերը   կու  գան համադրելու   անհատներու եւ անջատ կազմակերպութիւններու   գործունէութիւնը:  Նախարարը միաժամանակ  նշեց, թէ  Աշուրայի  ժամանակաշրջանին,  ապահովական յաւելեալ կանխամիջոցներ պիտի  առնուին Հարաւային Արուարձաններուն   շուրջ:

–         Լիբանանեան  բանակի աղբիւր  մը  զգուշացուց Թրիփոլիի  ապահովական  կայունութիւնը խանգարելու  փորձերէն,  աւելցնելով որ բանակը  պատրաստ է   աւելի ծանր եւ  վճռական  հարուածներ  տալու   բոլոր  արկածախնդիրներուն:

–         Արտաքին գործոց  նախարարի պաշտօնակատար Ատնան Մանսուր յայտարարեց, թէ  Լիբանան պիտի մասնակցի «Ժընեւ -2» խորհրդաժողովին եւ առարկայականօրէն   պիտի ներկայացնէ  հակամարտութեան իսկական  պատճառները եւ այժմու  պատկերը:   

–          Ներքին ապահովութեան ուժեր Պէյրութի   միջազգային  օդակայանին մէջ,   9.2  քիլոկրամ  քոքային  բացայայտեցին, Պրազիլէն ժամանած զբօսաշրջիկի մը  պայուսակէն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button