ՀՀ Սփիւռքի նախարար Հրանոյշ Յակոբեան Ընդունեց «Ոսկերչական Գործի Արդի Վիճակը. Խնդիրներն Ու Հեռանկարները» Խորագիրը Կրող Համաժողովի Մասնակիցները

0
12

ՀՀ սփիւռքի նախարար Հրանոյշ Յակոբեան ընդունեց Հոկտեմբեր 29-ին Կարէն Դէմիրճեանի անուան մարզահամերգային համալիրին մէջ կայացած «Ոսկերչական գործի արդի վիճակը. խնդիրներն ու հեռանկարները» խորագիրը կրող համաժողովի մասնակիցները` Հայ ոսկերիչներու համաշխարհային միութեան եւ Հայ ոսկերիչներու բարեգործական հիմնադրամի ներկայացուցիչները, ինչպէս նաեւ ԱՄՆ-էն, Լիբանանէն, Ֆրանսայէն, Զուիցերիայէն, Պելճիգայէն, Ճափոնէն, Քանատայէն, Թուրքիայէն եւ այլ երկիրներէ ժամանած հայ եւ օտարազգի ոսկերիչներ:

Ողջունելով հիւրերը Սփիւռքի նախարար Հրանոյշ Յակոբեան շնորհաւորեց բոլորին հայ ոսկերիչի օրուան առիթով եւ մաղթեց լայն հնարաւորութիւններ, միասնական ըլլալու եւ հայրենիքի յառաջընթացին աշխուժօրէն մասնակցելու վճռականութիւն: Բարձր գնահատելով  սփիւռքահայ ոսկերիչներու աւանդը համաշխարհային ոսկերչութեան զարգացման եւ Հայաստանը ոսկերչութեան կեդրոններէն  մէկը դարձնելու գործին, ան մասնաւորապէս ըսաւ. «Վերջերս  Սփիւռքի նախարարութիւնը ամփոփեց իր հնգամեայ գործունէութիւնը, եւ արդէն երեք տարի դուք մեր կողքին էք, ցանկանում եմ, որ բոլոր նման հաւաքների շնորհիւ բացուեն աշխատատեղեր, կեանքի կոչուեն այնպիսի նախաձեռնութիւններ, որոնք կը նպաստեն Հայաստանի տնտեսութեան զարգացմանը»:

Ներկաներուն ողջունեցին եւ հիւրընկալութեան համար շնորհակալութիւն յայտնեցին ոսկեգործութեան համաշխարհային միութեան նախագահ Գայտանօ Քաւալյերին եւ Հայ ոսկերիչներու միութեան նախագահ Գագիկ Գէորգեան:

 Ցուցադրուեցաւ  Սփիւռքի նախարարութեան պատրաստած շարժանկարը` նուիրուած Երեւանի մէջ 2012թ.  կայացած հայ ոսկերիչներու աշխատանքներու  ցուցաահանդէսին:

Հիւրերուն ողջունեցին Արարատեան Հայրապետական թեմի «Ծաղկազարդ» համախումբը, Գիւրճիեւի անուան ժողովրդական նուագարաններու համոյթը, Երեւանի Մեսրոպ Մաշտոցի անուան խօսքի մշակոյթի կեդրոնի սան Յարութ Տօնոյեանը, ՀՀ վաստակաւոր արուեստագէտ Ռուբէն Սահակեանը:

 

LEAVE A REPLY

Please enter your comment!
Please enter your name here