ՆՈՎԱՔ ՏԻՈՔՈՎԻՉԻ 40-ՐԴ ՏԻՏՂՈՍԸ

0
26

    Փարիզի մէջ կայացած  թենիսի ATP  միջազգային մրցաշարքը  վերջ գտաւ  Նովաք Տիոքովիչի  յաղթանակով:  Եզրափակիչ   հանդիպումին, 26-ամեայ սերպը  7-5,7-5 արդինքով պարտութեան մատնեց  Տաւիտ Ֆերէրը:  Յիշեցնենք, որ  կիսաեզրափակիչին,  Տիոքովիչ  պարտութեան մատնած էր   Ռոժէ  Ֆետերէրը, իսկ Ֆերէր՝ Ռաֆայէլ Նատալը:  Տիոքովիչ կը շահէր իր ասպարէզի  40-րդ, իսկ այս տարուան  7-րդ  մրցաշարքը:

Նշենք,թէ Սերենա Ուիլըմզ կը գլխաւորէ  աղջկանց  թենիսի  համաշխարհային  դասաւորումը:

ՎԵԹԷԼ  ՇԱՀԵՑԱՒ ԱՊՈՒ ՏԱՊԻԻ ԿՐԱՆ ՓՐԻՆ

Սեպասթիան Վեթէլ  շահեցաւ Ֆորմիւլա 1  ինքնաշարժներու 17-րդ  հանգրուանի՝  Ապու Տապիի  կրան փրին:  Վեթէլի   խմբակիցը՝  Մարք  Ուեպէր  երկրորդ հանդիսացաւ, իսկ  Մերսետեսի վարորդ  Նիքօ Ռոզպըրկ՝ երրորդ:

ՄԵՍԻԻ ԽԱՂԸ ՍԿՍԱԾ Է  ՄՏԱՀՈԳԵԼ  ՊԱՐՉԵԼՈՆԱՅԻ  ՀԱՄԱԿԻՐՆԵՐԸ ԵՒ  ՏՆՕՐԷՆՈՒԹԻՒՆԸ

Պարչելոնայի երէց ֆութպոլիստներէն  Գարլէս Փույոլ, Զաւի,  Անտերս Ինիէսթա եւ Վիթքոր Վալտէզ  սրտբաց խօսակցութիւն  մը պիտի  ունենան Արժանթինի  հաւաքականի յարձակող  Լիոնէլ Մեսիի հետ: 

Գաթալոնական ակումբի վերջին հանդիպումներուն ընթացքին,  Մեսիի ցուցադրած  խաղը սկսած է անհանգստացնել ակումբին   համակիրները եւ տնօրէնութիւնը:  Նշենք,թէ  Մեսի՝  յաջորդական  չորրորդ  մրցումն է, որ առանց կոլ նշանակելու  կը հեռանայ դաշտէն: Նման «կոլազուրկ»  ընթացք, անոր  հետ պատահած էր  2011-ի Ապրիլ-Մայիս ամիսներուն:

ԼԷՅՔԸՐԶ ԵՒ ՀԻԹ  ՅԱՂԹԵՑԻՆ

ԷՆ.Պի.Էյ-ի  ախոյեանութեան մրցումներու  գծով, ախոյեան՝  Մայեմի Հիթ,  սեփական դաշտին մէջ  103-93  արդիւնքով  պարտութեան մատնեց  Ուաշինկթըն Ուիզարտզը: Մայէմիի աստղերէն՝ Լըպրոն Ճէյմս  նշանակեց 25 կէտ:  Լոս Անճելըս Լէյքըրզ՝ առանց  Քոպի Պրայընթի մասնակցութեան՝  105-103  արդիւնքով  պարտութեան մատնեց Աթլանթա Հոքսը:

LEAVE A REPLY

Please enter your comment!
Please enter your name here