ՊԱՔՈՒ ՅՍՏԱԿԱՑՈՒՄ ԿԸ ՊԱՀԱՆՋԷ ՌՈՒՍ ՀՐԱՄԱՆԱՏԱՐԻ ԽՕՍՔԵՐՈՒՆ ՄԱՍԻՆ

0
13

Պաքու այցելող ԵԱՀԿ Մինսքի խմբակի համանախագահներուն հետ Երկուշաբթի,  4 Նոյեմբերին կայացած հանդիպումին ընթացքին, Ատրպէյճանի պաշտպանութեան նախարար Զաքիր Հասանով պահանջեց պաշտօնական բացատրութիւն մը Հայաստանի մէջ տեղակայուած ռուսական 102-րդ ռազմակայանի զօրախումբի հրամանատար գնդապետ Անտրէյ Ռուզինսքինի կողմէ անցեալ շաբաթ կատարուած յայտարարութեան մասին:
Յիշեցնենք, թէ հրամանատարը յայտնած էր, թէ Լեռնային Ղարաբաղի վրայ Ատրպէյճանէն յարձակումի մը պարագային՝ ռուսական Հայաստանի ռազմական խարիսխը կրնայ ներգրաւուիլ ռազմական գործողութիւններուն մէջ:
Ռուս համանախագահ Իկոր Փոփով խոստացած է քննել հարցը՝ միաժամանակ աւելցնելով, թէ յայտարարութիւնը կրնայ սխալ հասկացողութեան մը հետեւանք ըլլալ:

LEAVE A REPLY

Please enter your comment!
Please enter your name here