ՆԱԼՊԱՆՏԵԱՆ ԸՆԴՈՒՆԵՑ ԵԱՀԿ-Ի ՄԻՆՍՔԻ ԽՈՒՄԲԻ ՀԱՄԱՆԱԽԱԳԱՀՆԵՐԸ

0
13

Հայաստանի արտաքին գործոց նախարար Էտուարտ Նալպանտեան    այսօր  ընդունեց  ԵԱՀԿ-ի Մինսքի խումբի   համանախագահներ  Իկոր Փոփովը  Ժագ  Ֆորին եւ  Ճէյմս   Ուորլիքը, ինչպէս նաեւ  ԵԱՀԿ  գործող նախագահի  անձնական ներկայացուցիչ   Անճէյ  Քասփրչիքը:  Հայաստանի արտաքին  գործոց նախարարը համանախագահներուն  հետ  քննարկեց  ղարաբաղեան  հիմնախնդրի  կարգաւորման գործընթացը  յառաջ մղելու   կարելիութիւնները: Համանախագահները Նալպանտեանին  ներկայացուցին Պաքուի մէջ ունեցած իրենց հանդիպումին   տպաւորութիւնները:  Անոնք նաեւ քննարկեցին   Հայաստանի եւ Ատրպէյճանի նախագահներուն հանդիպումը կազմակերպելու  գործընթացը:    Նալպանտեան աշխատանքային հանդիպում մը ունեցաւ Երեւանի մօտ հաւատարմագրուած Եւրոպական Միութեան անդամ  պետութիւններու  դեսպաններուն  հետ:

Հանդիպումը նպատակադրուած էր  քննարկելու Հայաստան – Եւրոպական Միութիւն  յարաբերութիւնները:  Կողմերը  քննարկեցին   Արեւելեան Գործընկերութեան Վիլնիուսի խորհրդաժողովին հետ առնչուած հարցեր, ինչպէս  նաեւ  Լեռնային Ղարաբաղի հակամարտութեան խաղաղ  կարգաւորման ուղղուած  ջանքերը: :

LEAVE A REPLY

Please enter your comment!
Please enter your name here