ՌՈՀԱՆԻ ԼԱՒԱՏԵՍ ԱՐԵՒՄՈՒՏՔԻ ՀԵՏ ԲԱՆԱԿՑՈՒԹԻՒՆՆԵՐՈՒ ԸՆԹԱՑՔԷՆ

0
9

 Իրանի    հեռատեսիլը   հաղորդեց, թէ Աթոմական Ուժանիւթի Միջազգային Գործակալութեան  ընդհանուր տնօրէն  Եուքիա Ամանօ յառաջիկայ Երկուշաբթի,  11  Նոյեմբերին պիտի  ժամանէ Թեհրան:  Իրանի նախագահ  Հասան Ռոհանի  դրական  գնահատական տուաւ Իրանի միջուկային ծրագիրներուն  վերաբերեալ,  Արեւմուտքի հետ   բանակցութիւններու  ընթացքին:

  Իրանի փոխարտաքին գործոց նախարար  Սէյէտ  Ապպաս Արաքչի  յայտարարեց, թէ  պատժամիջոցները   ջնջուելու պարագային, Իրան պատրաստ է  երկրի միջուկային  կեդրոնները աւելի խիստ  վերահսկողութեան ենթարկելու լրացուցիչ   համաձայնագիր մը կնքելու Աթոմական  Ուժանիւթի Միջազգային Գործակալութեան հետ: Ըստ  Արաքչիի՝  Իրան չի  ձգտիր բոլոր խնդիրները  լուծել  բանակցային  գործընթացի առաջին  քայլերու  ժամանակ,  քանի որ կը  փորձէ  փոխգործակցութեան մթնոլորտի  վերածել հակամարտութեան  մթնոլորտը:

Նշենք, թէ  Իրան եւ  Աթոմական Ուժանիւթի Միջուկային Գործակալութիւնը կառուցողական հանդիպում մը ունեցան Վիեննայի մէջ,  29  Հոկտեմբերին:  Անոնք  համաձայնեցան հանդիպումը  11 Նոյեմբերին  շարունակել,  Թեհրանի մէջ:

LEAVE A REPLY

Please enter your comment!
Please enter your name here