ԼԻԲԱՆԱՆԵԱՆ ԿԱՐՃ ԼՈՒՐԵՐ

0
12

–         Կառավարութեան  մօտ զինուորական ատեանի դատախազ Սաքր Սաքր՝  հրամանագիր մը   լոյս  ընծայեց արդարութենէ  փախուստ տուած  Արաբական  Դեմոկրատական Կուսակցութեան պետ Ալի  Իտի եւ անոր վարորդին  Ահմէտ Ալիի դէմ:  Սաքր  ձերբակալութեան հրամանագիր  մը   լոյս  ընծայեց  Սուրիա փախուստ տուած լիբանանցի Սեքինէ Իսմայիլի դէմ:  Վերջինս կ’ամբաստանուի  Թրիփոլիի մզկիթներուն  պայթումները իրականացնելու  յանցագործութեամբ:

–         Ֆրանսայի  Առաջին տիկինը Վալերի  Թրեֆելիյէ  ժամանեց Լիբանան եւ  Լիբանանի մօտ ֆրանսական  դեսպանատան  կարգ մը պաշտօնեաներու  ընկերակցութեամբ  այցելեց  Զահլէի  մէջ  տեղակայուած սուրիացի գաղթականները, ինչպէս նաեւ  Զահլէի մէջ գործող «Գարիթաս»ի կեդրոնը: :

–         Ալուի  համայնքի  իսլամական խորհուրդը եւ Արաբական Դեմոկրատական Կուսակցութեան նախաձեռնութեամբ յառաջիկայ Որբաթ օր,  Ճապալ Մըհսենէն դէպի Թրիփոլիի Նուր հրապարակը քայլաշրաւմը   նախատեսուած է՝  վայրագութեան եւ  համակեցութեան դէմ պայքարող ուժերուն արարքը դատապարտող:  Թրիփոլիի մէջ  աստիճանական հանդարտութիւն կը տիրէ  անցնող  48  ժամերուն:

–         Խորհրդարանական հանրօգուտ  շինութեանց,  փոխադրութեան, ջուրի եւ  ուժանիթի  յանձնախումբը, երեսփոխան Մուհամմէտ Քապպանիի գլխաւորութեամբ  նիստ մը գումարեց  երէկ  առաւօտեան:

–         Մարոնիներու Պշարա Ռայի գարտինալը  երէկ առաւօտեան  մեկնեցաւ  Հռոմ: Ռայի՝ սկզբունքով Կիրակի  պիտի  վերադառնայ  Լիբանան:

–         Լիբանանի  մօտ  Եւրոպական Միութեան  դեսպան Աճելինա Էխորհրսթ  իր զարմանքը  յայտնեց նոր կառավարութեան ուշացումէն: Ան  միաժամանակ ընդգծեց, թէ   Հըզպալլայի անունը ահաբեկչական կազմակերպութիւններու  ցանկին մէջ դնել չի նշանակեր յարաբերութիւնները խզել անոր  հետ:

–          Մուսթաքպալ  Հոսանքի անդամ, երեսփոխան Ահմէտ Ֆաթֆաթ  յայտնեց, թէ  յետ այսու անհրաժեշտութիւն պիտի  չըլլայ  լսելու խորհրդարանի նախագահ Նեպիհ Պըրրիի  ելոյթները, որովհետեւ վերջինս  դարձած է  Հասան Նասրալլայի  խօսնակը:  Ֆաթֆաթ    շեշտեց, թէ  բաժակը  յորդած է  արդէն:

–         Սկզբունքով Հինգշաբթի օր   հանդիպում մը նախատեսուած է  Մուսթաքպալ Հոսանքի եւ Ազգային Ազատ  Հոսանքի պատուիրակութիւններուն միջեւ:  Հանդիպումը առիթ մը պիտի  ըլլայ   քննարկելու  լիբանանեան  բեմի  զարգացումները, ինչպէս նաեւ  երկու  կողմերուն միջեւ համագործակցութեան կարելիութիւնները:

LEAVE A REPLY

Please enter your comment!
Please enter your name here