«Տաթեւեր»-ը Դարձած Է Ճոպանուղային Փոխադրամիջոցի Միջազգային Կազմակերպութեան Անդամ

0
43

 Իտալական Պոլցանօ քաղաքին մէջ կայացած OITAF ղեկավար խորհուրդի հանդիպման ընդունուած որոշմամբ` «Տաթեւեր» Ճոպանուղին դարձած է Ճոպանուղային փոխադրամիջոցի միջազգային կազմակերպութեան (OITAF) անդամ: Ինչպէս «Արմէնփրէս»-ին կը տեղեկացնեն ընկերութեան մամլոյ ծառայութենէն, անդամակցութիւնը OITAF-ին կը նշանակէ, որ «Տաթեւեր»-ը ճանչցուած է ճոպանուղիներու կառավարման համաշխարհային հանրութեան կողմէ, ինչ որ  շարք մը առաւելութիւններ կու տայ:

Մասնաւորապէս` ճոպանուղիներու կառավարման ոլորտին մէջ հետազօտութիւններու եւ փորձերու աջակցութիւն, աջակցութիւն ճոպանուղիներու ոլորտին մէջ ազգային կարգաւորիչներու համար չափանիշներու ներդրման հարցին, ժողովներու եւ համագումարներու
իրականացում  ճոպանուղիներու արտադրողներու եւ կառավարիչներու համար:

OITAF հիմնադրուած է 1959 թուականին Միլանի մէջ: Ներկայիս կազմակերպութեան կ’անդամակցին ճոպանուղիներ 22 երկիրներէ:

«Տաթեւեր» ճոպանուղին բացուած է 2010 թուականի  16  Հոկտեմբերին՝ «Տաթեւի վերածնունդ» նախագիծի ծիրէն ներս:   23  Հոկտեմբեր 2010-ին, «Տաթեւեր»-ը արձանագրուած է «Կինեսի» միջազգային մրցանիշներու գիրքին մէջ` իբրեւ աշխարհի  ամենաերկար յետադարձելի երկխցիկ ճոպանուղին: Ցուցանիշը արձանագրուած  էր ոչ միայն ճոպանուղիի երկարութեան (5752 մ.), այլեւ ՝ճոպանուղիի կառուցման կարճ ժամանակահատուածի (10 ամիս) համար:

Նախագիծն իրականացուած է ճոպանուղիի նախագծման եւ կառուցման յառաջատար, զուիցերական «Գարաւենտա-Տոպելմայր» ընկերութեան կողմէ: Դէպի վանական համալիր տանող օդային ճանապարհը կը կազմէ 11 րոպէ, արագութիւնը` 10 մ/վ, խցիկին մէջ ուղեւորներու տարողութիւնը` 25 հոգի, ճոպանուղիի ուղեւորներու թողունակութիւնը մէկ ժամուան մէջ կը կազմէ 200 անձ: Հսկայական կրող
հիմքերը կը բաժնեն ճանապարհը  չորս հատուածի, վերջին` ամենաերկար հատուածի երկարութիւնը կը կազմէ 2,7 քմ:

 

LEAVE A REPLY

Please enter your comment!
Please enter your name here