ՆԵԹԱՆԻԱՀՈՒ՝ ՊԱՂԵՍՏԻՆՑԻՆԵՐԸ ՊԷՏՔ Է ՀՐԱԺԱՐԻՆ ՏՈՒՆԴԱՐՁԻ ԻՐԱՒՈՒՆՔԷՆ

0
36

«Որպէսզի մեր եւ պաղեստինցիներուն միջեւ խաղաղութիւն հաստատուի, անոնք պէտք է ճանչնան հրեայ ժողովուրդին՝ իր հայրենիքին վրայ սեփական ազգ-պետութիւն մը ունենալու իրաւունքը, որուն միտք բանին այն է, որ անոնք (պաղեստինցիները) վերջնական համաձայնագիրի մը ծիրին մէջ պէտք է ընդունին ջնջել իրենց ազգային պահանջները, ներառեալ՝ տունդարձի իրաւունքը, ինչպէս նաեւ Իսրայէլի պետութենէն այլ պահանջներ», ըսած է Իսրայէլի վարչապետ Պենիամին Նեթանիահու:
Ան իր գլխաւորած կառավարութեան շաբաթական նիստին ընթացքին աւելցուցած է. «Անցեալ շաբթուան վերջաւորութեան, Պալֆուրի խոստումի 96ամեակը նշեցինք: Այդ խոստումը Իսրայէլի հողին վրայ ազգ-պետութիւն մը ունենալու հրեայ ժողովուրդին իրաւունքը ճանչցաւ»: Այդ ճանաչումը կարեւոր է, սակայն պէտք է ըսել, որ եթէ հրեայ ժողովուրդը 80 տարի շարունակ բնակեցում չկատարէր եւ իր սեփական ուժերով հրէական հասարակութիւնը պաշտպանելու չպատրաստուէր, պետութիւնը պիտի չհաստատուէր»:
Իսրայէլի վարչապետը նաեւ նշեց, որ Պաղեստինեան Իշխանութիւնը պաղեստինեան հասարակութեան մէջ Իսրայէլի դէմ կազմակերպուած հրահրումներ կը կատարէ:

LEAVE A REPLY

Please enter your comment!
Please enter your name here